Verbum

бавоўнапрадзі́льны, ‑ая, ‑ае.

Які мае адносіны да прадзення бавоўны. Бавоўнапрадзільная вытворчасць. // Прызначаны для прадзення бавоўны. Бавоўнапрадзільная машына.

бавоўнапрадзі́льшчык, ‑а, м.

Рабочы, які працуе на бавоўнапрадзільным прадпрыемстве.

бавоўнапрадзі́льшчыца, ‑ы, ж.

Жан. да бавоўнапрадзільшчык.

бавоўнасушы́лка, ‑і, ДМ ‑лцы; Р мн. ‑лак; ж.

Прыстасаванне, агрэгат для сушкі бавоўны.

бавоўнаўбо́рачны, ‑ая, ‑ае.

Звязаны з уборкай бавоўны. Бавоўнаўборачная кампанія. // Прызначаны для ўборкі бавоўны. Бавоўнаўборачны камбайн.

бавоўнаўбо́рка, ‑і, ДМ ‑рцы, ж.

Збор ўраджаю бавоўны.

баво́ўнік, ‑у, м.

Паўднёвая расліна сямейства мальвавых, з насеннем, пакрытым валакном, з якога вырабляецца баваўняная пража.

баво́ўнікавы, ‑ая, ‑ае.

Які мае адносіны да бавоўніку. Бавоўнікавае насенне.

баво́ўнішча, ‑а, н.

Поле, якое было пад бавоўнікам.

багабо́рац, ‑рца, м.

Кніжн. Той, хто змагаецца супраць бога і рэлігійных догматаў. Мы — першыя ў свеце Разведчыкі будучыні, Наватары, багаборцы, Шчасця людскога Нястомныя творцы. Танк.