Verbum

умазаць дзеяслоў | закончанае трыванне

1. Запэцкаць, забрудзіць.

   • У. лоб у сажу.

2. Уставіць, замацаваўшы чым-н. вязкім.

   • У. кацёл у печ.

|| незакончанае трыванне: умазваць.

|| назоўнік: умазванне і умазка.

умайстраваць дзеяслоў | размоўнае | закончанае трыванне

Прыладзіць дзе-н., куды-н.

• У. люстэрка.

|| незакончанае трыванне: умайстроўваць.

|| назоўнік: умайстраванне.

умалот назоўнік | мужчынскі род

Колькасць абмалочанага зерня.

• У. з гектара.

|| прыметнік: умалотны.

умалоць дзеяслоў | размоўнае | закончанае трыванне

З’есці з вялікім апетытам, умяць.

• У. кавалак каўбасы.

умаліць дзеяслоў | закончанае трыванне

Схіліць да чаго-н. моцнай просьбай, угаворамі, упрасіць.

• У. няўступных бацькоў.

|| незакончанае трыванне: умольваць.

уманціраваць дзеяслоў | спецыяльны тэрмін | закончанае трыванне

Манціруючы, уставіць.

• У. датчык.

уматаць дзеяслоў | закончанае трыванне

1. Абматаць, апавіць некалькі разоў.

   • У. пакунак шпагатам.

2. Матаючы (ніткі) ў клубок, заматаць унутр што-н. пабочнае.

   • У. напарстак у клубок.

3. Намотваючы, змясціць у чым-н., на чым-н.

   • Вялікага матка ў адзін клубок не ў.

|| незакончанае трыванне: умотваць.

умацаванне назоўнік | ніякі род

1. гл. умацавацца, -ць.

2. Абарончае збудаванне.

   • Падземныя ўмацаванні.

умацавацца дзеяслоў | закончанае трыванне

1. Стаць больш моцным, устойлівым.

   • Бераг умацаваўся.
   • Перасаджанае дрэва ўмацавалася ў новым грунце.

2. Размясціцца, стварыўшы сабе абарончыя збудаванні.

   • Часць умацавалася на новым месцы.

3. Стаць больш моцным, здаровым, трывалым.

   • Нервы ўмацаваліся.
   • Здароўе ўмацавалася.
   • Яго становішча ўмацавалася.

4. пераноснае значэнне: Стаць цвёрдым, устойлівым, усталявацца, устанавіцца.

   • Калгасы ўмацаваліся.

|| незакончанае трыванне: умацоўвацца.

|| назоўнік: умацаванне.

умацаваць дзеяслоў | закончанае трыванне

1. Зрабіць мацнейшым, больш устойлівым.

   • У. дамбы.

2. Стварыць абарончыя збудаванні дзе-н., забяспечыць сродкамі абароны.

   • У. подступы да горада.

3. Зрабіць больш моцным, здаровым, стойкім.

   • Добрае харчаванне і свежае паветра ўмацавалі хворага.
   • У. нервы.
   • У. здароўе.

4. перан. Зрабіць надзейным, цвёрдым, устойлівым.

   • У. сваё становішча.
   • У. дысцыпліну.

|| незакончанае трыванне: умацоўваць.

|| назоўнік: умацоўванне.

|| назоўнік: умацаванне.

|| прыметнік: умацавальны.

• Умацавальныя адкосы.
• Умацавальныя збудаванні.