Verbum

баклажа́навы, ‑ая, ‑ае.

Які мае адносіны да баклажана; прыгатаваны з баклажанаў. Баклажанавая ікра.

банда́жны, ‑ая, ‑ае.

Які мае адносіны да бандажа (у 1 знач.). Бандажная майстэрня.

банкру́цкі, ‑ая, ‑ае.

Які мае адносіны да банкрута, банкруцтва; звязаны з банкрутам, банкруцтвам.

бапты́сцкі, ‑ая, ‑ае.

Які мае адносіны да баптызму, баптыстаў. Баптысцкая секта. Баптысцкае асяроддзе.

баро́н, ‑а, м.

Дваранскі тытул, ніжэйшы за графскі. // Асоба, якая мае такі тытул.

[Фр. baron.]

барыка́дны, ‑ая, ‑ае.

Які мае дачыненне да барыкад; адбываецца на барыкадах. Барыкадны бой.

бары́чны, ‑ая, ‑ае.

У геафізіцы — які мае адносіны да атмасфернага ціску. Барычны градыент.

[Ад грэч. baros — цяжар.]

батле́йкавы, ‑ая, ‑ае.

Які мае адносіны да батлейкі, звязаны з батлейкай. Батлейкавы тэатр.

башкі́рскі, ‑ая, ‑ае.

Які мае адносіны да башкіраў, Башкірыі, належыць башкірам. Башкірская мова.

безапо́рны, ‑ая, ‑ае.

Які не мае апоры, які характарызуецца адсутнасцю апоры. Безапорная галерэя.