шэрая - Пошук

ПАЛЯЎНІ́ЧЫЯ ЖЫВЁЛЫ,

віды дзікіх звяроў і птушак, якія здабываюцца паляўнічымі ў спартыўных, аматарскіх і прамысловых мэтах; аб’екты палявання. На Беларусі 22 віды П.ж. (млекакормячых); лось, алень высакародны, казуля, дзік, зайцы бяляк і русак, бабёр, вавёрка, андатра, палёўка вадзяная, воўк, ліс, янотападобны сабака, куніцы лясная і каменная, тхор, норкі еўрапейская і амерыканская, выдра, гарнастай, ласка, крот; 31 від паляўнічых птушак (у залежнасці ад экалагічных умоў пражывання адрозніваюць балотную, баравую, вадаплаўную, палявую); глушэц, цецярук, рабчык, курапатка шэрая, крыжанка, гусь шэрая, таксама гусі белалобая, гуменнік і піскулька, чыркі траскунок і свістунок, чэрнеці чубатая і чырвонагаловая, лысуха, драч, турухтан вялікі і інш. Здабыча П.ж. рэгулюецца адпаведнымі заканад. і нарматыўнымі актамі.

П.І.Лабанок.

т. 12, с. 30

Беларуская Энцыклапедыя (1996—2004, правапіс да 2008 г., часткова)

абадне́цца, ‑днеецца, безас. зак.

Разм. Тое, што і уднець. Раніцы зімою, калі світае як не пад самы полудзень, заўсёды бываюць дужа доўгія — часам нават здаецца, што гэтая шэрая цемень ніколі не абаднеецца. Сіпакоў.

Тлумачальны слоўнік беларускай мовы (1977-84, правапіс да 2008 г.)

по́пел, ‑у, м.

Пылападобная, звычайна шэрая маса, якая застаецца пасля згарання, спальвання чаго‑н. Сцёпка дакурыў люльку, выбіў з яе попел, схаваў за пазуху і толькі тады падаўся памаленьку ў панскія пакоі. Якімовіч.

Тлумачальны слоўнік беларускай мовы (1977-84, правапіс да 2008 г.)

масі́ўны, ‑ая, ‑ае.

Які мае вялікую масу, аб’ём. Масіўны стол. Масіўнае тулава. □ Шырокія масіўныя дзверы гасцінна ўпусцілі Андрэя ва універмаг. Васілёнак. Шэрая будыніна з купалам і масіўнымі калонамі прыкметна вылучалася сярод іншых дамоў. Хомчанка.

Тлумачальны слоўнік беларускай мовы (1977-84, правапіс да 2008 г.)

гу́ста-шэ́ры

прыметнік, якасны

	адз.			мн.
	м.	ж.	н.	-
Н.	гу́ста-шэ́ры	гу́ста-шэ́рая	гу́ста-шэ́рае	гу́ста-шэ́рыя
Р.	гу́ста-шэ́рага	гу́ста-шэ́рай гу́ста-шэ́рае	гу́ста-шэ́рага	гу́ста-шэ́рых
Д.	гу́ста-шэ́раму	гу́ста-шэ́рай	гу́ста-шэ́раму	гу́ста-шэ́рым
В.	гу́ста-шэ́ры (неадуш.) гу́ста-шэ́рага (адуш.)	гу́ста-шэ́рую	гу́ста-шэ́рае	гу́ста-шэ́рыя (неадуш.) гу́ста-шэ́рых (адуш.)
Т.	гу́ста-шэ́рым	гу́ста-шэ́рай гу́ста-шэ́раю	гу́ста-шэ́рым	гу́ста-шэ́рымі
М.	гу́ста-шэ́рым	гу́ста-шэ́рай	гу́ста-шэ́рым	гу́ста-шэ́рых

Крыніцы: piskunou2012.