Verbum

намачы́ць, -мачу́, -мо́чыш, -мо́чыць; -мо́чаны; зак.

1. гл. мачыць.

2. што і чаго. Нарыхтаваць мачэннем.

Н. яблыкаў.

нарміро́ўшчык, -а, мн. -і, -аў, м.

Спецыяліст па нарміроўцы чаго-н.

|| ж. нарміро́ўшчыца, -ы, мн. -ы, -чыц.

нарубі́ць, -рублю́, -ру́біш, -ру́біць; -ру́блены; зак., чаго (спец.).

Вырубіць, здабыць у шахце (пра каменны вугаль).

Н. вугалю.

насты́рны, -ая, -ае (разм.).

Упарты ў дасягненні чаго-н., вельмі настойлівы.

Н. хлопец.

|| наз. насты́рнасць, -і, ж.

нацадзі́ць, -цаджу́, -цэ́дзіш, -цэ́дзіць; -цэ́джаны; зак., чаго-што.

Цэдзячы, наліць.

Н. квасу.

|| незак. нацэ́джваць, -аю, -аеш, -ае.

палюбі́ць, -люблю́, -лю́біш, -лю́біць; зак., каго-што.

Адчуць любоў да каго-, чаго-н.

П. дзяўчыну.

П. жывапіс.

пападсціла́ць, -а́ю, -а́еш, -а́е; зак., каго-што і чаго.

Падаслаць¹ усіх, многіх, усё, многае або ўсім, многім.

папяро́к, прысл. і прыназ. з Р.

У напрамку шырыні чаго-н.

Разрэзаць п.

П. канавы ляжыць кладка.

пераключа́льнік, -а, мн. -і, -аў м.

Прыстасаванне для пераключэння чаго-н.

П. электрычнага току.

П. дыяпазонаў прыёмніка.

перасцяро́га, -і, ДМ -ро́зе, мн. -і, -ро́г, ж.

Тое, што перасцерагае ад чаго-н.

Меры перасцярогі.