Verbum

чо́тка Невялікі дадатковы ўчастак прырэчнай зямлі пад агарод (Слаўг., Прысожжа). Тое ж чот (в. Віравая Слаўг.), чоткі (в. Дабранка Слаўг. Яск.).

□ ур. Чоткі (луг, грады) каля в. Віравая Слаўг., ур. Чоткі (грады) каля в. Дабранкі Слаўг. (Яск.).

абме́жак Край нівы, паласа з травастоем каля раллі (Бял., Віц. Нік. 1895, Слуцк. Сержп. 1911).

ахво́сце Месца за ўзгоркам і паваротам ракі (Рэч.).

□ ур. Ахвосце (луг) каля в. Заспа Рэч.

буко́та Узгорак на лузе, на якім расце вяз (Слаўг.).

□ ур. Букота каля в. Дабранкі Слаўг.

зава́лле Нахільныя саступы на схіле гары, узгорка (Рагач., Слаўг.).

□ ур. Зава́лле каля в. Лучына Рагач.

задво́рніца Зямля па той бок заезнага двара (Слаўг.).

□ ур. Задворніца (поле) каля в. Васькавічы Слаўг.

залясні́чча Абшар, які знаходзіцца за ўгоддзямі лясніцтва (Слаўг.).

□ ур. Залясні́чча (поле) каля в. Папоўка Слаўг.

карчо́мнае Месца, дзе стаяла карчма (Ст.-дар.).

□ ур. Карчомнае (поле) каля в. Пасека Ст-дар.

крэ́йда Выкапнёвая белая вапна; мяккі мучністы вапняк (БРС).

□ ур. Крэйдзікава (поле) каля в. Васькавічы Слаўг.

лягу́мні́чча Месца каля гумна або кругом яго; прастора перад гумнішчам (Слаўг.). Тое ж легумне́чча (Слаўг.).