Verbum

адрабі́цца, ‑раблюся, ‑робішся, ‑робіцца; зак.

Разм. Скончыць работу. // Стаць непрыдатным да работы.

акве́ціцца, аквеціцца; зак.

Паэт. Убрацца, набыць прыемны выгляд, стаць прыгажэйшым; расквеціцца, расцвісці.

замару́дзіцца, ‑дзіцца; зак.

Стаць больш марудным. Рух войск яшчэ больш замарудзіўся. Колас.

зашалудзі́вець, ‑ею, ‑ееш, ‑ее; зак.

Разм. Пакрыцца шолудзямі, стаць шалудзівым. Парася зашалудзівела.

звільгатне́ць, ‑ее; зак.

Стаць вільготным. Паперы ад часу вельмі звільгатнелі, зашмальцаваліся. Гарэцкі.

вы́чысціцца, ‑чышчуся, ‑чысцішся, ‑чысціцца; зак.

Ачысціць сябе ад пылу, гразі; стаць чыстым.

прыго́ркнуць, ‑не; зак.

Стаць гаркаватым, набыць гаркавы смак. Сала прыгоркла. Мука прыгоркла.

разняво́ліцца, ‑люся, ‑лішся, ‑ліцца; зак.

Збавіцца ад няволі, прыгнёту, прымусу; стаць вольным.

прамачы́цца, ‑мачуся, ‑мочышся, ‑мочыцца; зак.

Стаць наскрозь мокрым, вільготным; прамокнуць. Ногі прамачыліся.

перакасі́цца, ‑косіцца; зак.

Стаць касым, несіметрычным; скрывіцца. Перакасіліся і дзверы і вокны.