Verbum

веласіпе́дны, ‑ая, ‑ае.

Які мае адносіны да веласіпеда. Веласіпедны завод. Веласіпедныя камеры. Веласіпедны спорт.

велікакня́жацкі, ‑ая, ‑ае.

Гіст. Які мае адносіны да вялікага князя; належыць, уласцівы вялікаму князю.

велікасве́цкі, ‑ая, ‑ае.

Які мае адносіны да арыстакратычных слаёў грамадства. Велікасвецкае асяроддзе. Велікасвецкія манеры.

ве́пскі, ‑ая, ‑ае.

Які мае адносіны да вепсаў, які належыць, уласцівы ім. Вепская мова.

вогне...

Першая састаўная частка складаных слоў, якая азначае адносіны да агню, напрыклад: вогнетрывалы, вогнеўстойлівы.

вы́дравы, ‑ая, ‑ае.

Які мае адносіны да выдры; зроблены з футра выдры. Выдравы каўнер.

выканко́маўскі, ‑ая, ‑ае.

Які мае адносіны да выканкома, належыць выканкому. Выканкомаўскія служачыя. Выканкомаўская машына.

вы́параткавы, ‑ая, ‑ае.

Які мае адносіны да выпаратка. // Зроблены з футра выпаратка. Выпараткавы каўнер.

выпасны́, ‑ая, ‑ое.

Які мае адносіны да выпасу. Выпасны ўчастак. Выпасны сезон. Выпасная загарадка.

прэйскура́нтны, ‑ая, ‑ае.

Які мае адносіны да прэйскуранта, прадугледжаны прэйскурантам. Прэйскурантныя цэны. Прэйскурантны нумар.