Verbum

акрыва́віцца, -ва́ўлюся, -ва́вішся, -ва́віцца; зак.

Вымазацца крывёю, стаць акрываўленым.

А. ў бойцы.

|| незак. акрыва́ўлівацца, -аюся, -аешся, -аецца.

актывізава́цца, -зу́юся, -зу́ешся, -зу́ецца; -зу́йся; зак. і незак.

Стаць (станавіцца) больш актыўным, дзейным.

|| наз. актывіза́цыя, -і, ж.

амяшча́ніцца, -нюся, -нішся, -ніцца; зак. (разм.).

Стаць мешчанінам, абывацелем па настроі, учынках.

|| незак. амяшча́ньвацца, -аюся, -аешся, -аецца.

апры́краць, -аю, -аеш, -ае; зак.

Стаць прыкрым, непрыемным; моцна надакучыць каму-н. з-за аднастайнасці.

Апрыкралі дажджы.

пачарсцве́ць, -е́ю, -е́еш, -е́е; зак.

1. гл. чарсцвець.

2. Стаць чэрствым — пра ўсё, многае.

Усе булкі пачарсцвелі.

спі́цца, сап’ю́ся, сап’е́шся, сап’е́цца; сап’ёмся, сап’яце́ся, сап’ю́цца; зак. (разм.).

Стаць п’яніцам, п’яніцай.

|| незак. співа́цца, -а́юся, -а́ешся, -а́ецца.

разгульта́іцца, -а́юся, -а́ішся, -а́іцца; зак. (разм.).

Стаць гультаём, разленавацца.

Зусім разгультаіўся хлопец.

|| незак. разгульта́йвацца, -аюся, -аешся, -аецца.

раздажджы́цца, 1 і 2 ас. не ўжыв., -дажджы́цца, безас.; зак. (разм.).

Стаць надоўга дажджлівым, сырым (пра надвор’е).

раз’ю́шыцца, -шуся, -шышся, -шыцца; зак.

Стаць раз’юшаным; разлютавацца.

Сабака раз’юшыўся, ашчэрыў зубы.

|| незак. раз’ю́швацца, -аюся, -аешся, -аецца.

расчыні́цца, 1 і 2 ас. не ўжыв., -чы́ніцца; зак.

Адчыніцца, стаць адчыненым.

Дзверы расчыніліся.

|| незак. расчыня́цца, -я́ецца.