Verbum

Гру́ца ’ячныя крупы, крупнік, каша’ (БРС. Нас., Шатал.). Запазычанне з польск. gruca ’тс’ (а гэта з ням. Grütze ’тс’). Запазычанне адносна новага часу (няма ў Булыкі, Запазыч.). Параўн. Слаўскі, 1, 363.

Аб’ём (БРС) < рус. объём. Запазычанне XX ст.

Болт. Запазычанне з ням. Гл. пад боўт.

Ву́жын ’вячэра’ (Нас.). Запазычанне з рус. ужин.

Гі́ндрык ’назва танца’ (Касп.). Няясна; відавочнае запазычанне.

Карці́нка ’малюнак’ (Бяльк.). Запазычанне з рус. мовы.

Густ ’густ’ (БРС, Нас., Касп.). Укр. густ ’тс’. Запазычанне з польск. gust ’густ’, а гэта з лац. gustus. Гл. Слаўскі, 1, 380; Кюнэ, Poln., 59. Насовіч меркаваў, што гэта непасрэднае запазычанне з лац. gustus.

Во́здух ’паветра’ (Бяльк.). Запазычанне з рус. воз́дух ’тс’.

Вы́дуць ’выдзьмуць’ (Яруш.). Запазычанне з рус. вы́дуть ’тс’.

Вызрава́ць ’выспяваць’ (Шат.). Запазычанне з рус. вызревать ’тс’.