Verbum

КЛЮЧАЎСКА́Я СО́ПКА,

дзеючы вулкан на У п-ва Камчатка, найвыш. (4750 м) і самы актыўны ў Еўразіі. Размешчаны ў Ключаўскай групе вулканаў. Складзены з андэзіта-базальтавай лавы. Належыць да тыпу стратавулканаў. Правільны конус з кратэрам, што пастаянна курыцца, мае паблізу падэшвы 84 пабочныя конусы і кратэры. На вяршыні снежнікі і ледавікі, на схілах — фумаролы і сальфатары. За 270 гадоў адбылося больш за 50 моцных вулканічных вывяржэнняў; апошняе — у 1972—74. Каля падножжа — вулканалагічная станцыя.

т. 8, с. 352

МЕ́РУ (Meru),

дзеючы вулкан у межах Усх.-Афр. зоны разломаў, у Танзаніі. Выш. 4567 м. Апошняе вывяржэнне ў 1910.

т. 10, с. 296

СЛА́МЕТ (Slamet),

актыўны дзеючы вулкан у цэнтр. ч. в-ва Ява ў Інданезіі. Выш. 3428 м. Складзены з базальтаў і андэзітаў.

т. 14, с. 506

ДЭ́МПА (Dempo),

дзеючы вулкан на ПдЗ в-ва Суматра (хр. Барысан) у Інданезіі. Выш. 3159 м. Складзены з андэзітаў. Магутнае вывяржэнне ў 1908.

т. 6, с. 350

САХА́МА (Sajama),

патухлы вулкан каля ўсх. падножжа Зах. Кардыльеры Андаў у Балівіі. Выш. 6520 м. Да выш. 6000 м укрыты беднай паўпустыннай расліннасцю, вышэй — вечныя снягі.

т. 14, с. 205

МАЁН (Mayon),

вулкан на ПдУ в-ва Лусон у Ціхім ак. (тэр. Філіпін). Правільны конус выш. 2462 м, складзены пераважна з андэзітаў. Частыя вывяржэнні. Нац. парк Маён-Волькана.

т. 9, с. 500

ПЭКТУСА́Н,

кіт. Байтаўшань, вулкан на Пн КНДР, каля мяжы з Кітаем, найвыш. пункт Маньчжура-Карэйскіх гор (2750 м). Складзены з трахітаў і белай пемзы. Апошняе вывяржэнне ў 1898.

т. 13, с. 154

САНГА́Й (Sangay),

дзеючы вулкан на ўсх. схіле Усх. Кардыльеры Андаў у Эквадоры. Выш. 5230 м. Дзейнічае з 1728, апошнія вывяржэнні ў 1966—75. На вяршыні С. вечныя снягі.

т. 14, с. 145

МІ́СТЫ (Misti),

дзеючы вулкан у Зах. Кардыльеры Андаў, на Пд Перу. Выш. 5821 м. Правільны конус. Вышэй 5400 м укрыты вечнымі снягамі. Складзены з андэзітаў. Каля падножжа — г. Арэкіпа.

т. 10, с. 474

ДЭМАВЕ́НД,

патухлы вулкан у гарах Эльбурс, на Пн Іранскага нагор’я. Выш. 5604 м (найвыш. вяршыня Ірана). Складзены з андэзітавых лаў, знаходзіцца ў стадыі сольфатары (выхады гарачых газаў, тэрмальныя крыніцы). Ледавікі.

т. 6, с. 345