юдафобства, ‑а, м.
Ненавісніцтва да ўсяго яўрэйскага; антысемітызм.
юдафіл, ‑а, м.
Прыхільнік усяго яўрэйскага.
[Ад лац. judaeus — яўрэй і грэч. philos — сябра.]
юдафільскі, ‑ая, ‑ае.
Які мае адносіны да юдафіла, юдафільства. Юдафільская палітыка.
юдафільства, ‑а, н.
Прыхільнасць да ўсяго яўрэйскага.
юдаізм, ‑а і ‑у, м.
1. ‑у. Уст. Тое, што і іудаізм.
2. ‑а. Моўны зварот, выраз, якія ўласцівы яўрэйскай мове.
юдоль, ‑і, ж.
Кніжн. уст. Пра месца, дзе пакутуюць, церпяць мукі. О зямля, святая калодніца, Гора, мужнасці, смерці юдоль! Караткевіч. // Жыццё з яго нягодамі і смуткам. [Сімеон-столпнік] забіраўся на слуп, каб быць падалей ад зямной юдолі. «ЛіМ».
юз 1, ‑а, м.
Спец. Літарадрукавальны тэлеграфны апарат. Перадаць дэпешу па юзу.
[Ад уласн. імя.]
юз 2, ‑а, м.
Спец. Закліньванне колаў пры руху транспартных сродкаў (аўтамабіля, трамвая, чыгуначнага саставу), у выніку чаго колы слізгаюцца па апорнай паверхні і не круцяцца (блакіруюцца).
юзам, прысл.
Спец.
1. Слізгаючыся, сунучыся па зямлі, рэйках і пад. (пра колы, гусеніцы і пад.). Гэты стромы спуск уніз, дзе пры з’ездве ідуць юзам, а пры пад’ёме буксуюць машыны, мае сваю назву — Равок. Сіпакоў.
2. Цягнучы, сунучы па зямлі або насцілу. Перасунуць кантэйнер юзам.
юзіраваць, ‑рую, ‑руеш, ‑руе; незак.
Спец. Перадаваць інфармацыю па юзу 1.
юзіст, ‑а, М ‑сце, м.
Спец. Тэлеграфіст, які працуе на юзе.