мікраспо́ра

назоўнік, агульны, неадушаўлёны, неасабовы, жаночы род, 2 скланенне

адз. мн.
Н. мікраспо́ра мікраспо́ры
Р. мікраспо́ры мікраспо́р
Д. мікраспо́ры мікраспо́рам
В. мікраспо́ру мікраспо́ры
Т. мікраспо́рай
мікраспо́раю		 мікраспо́рамі
М. мікраспо́ры мікраспо́рах

Крыніцы: krapivabr2012, nazounik2008, piskunou2012, sbm2012, tsbm1984.

Граматычная база Інстытута мовазнаўства НАН Беларусі (2026/01, актуальны правапіс)

мікраспо́ра ж., бот. микроспо́ра

Беларуска-рускі слоўнік, 4-е выданне (2012, актуальны правапіс)

мікраспо́ра, ‑ы, ж.

Дробная спора ў разнаспоравых вышэйшых раслін.

[Ад грэч. mikrós — маленькі і спора.]

Тлумачальны слоўнік беларускай мовы (1977-84, правапіс да 2008 г.)

Мікраспора 7/196; 10/23, 24

Беларуская Савецкая Энцыклапедыя (1969—76, паказальнікі; правапіс да 2008 г., часткова)

МІКРАСПО́РА (ад мікра... + грэч. spora, семя, пасеў),

дробная спора разнаспоравых папарацепадобных, дзеразападобных і насенных раслін. Утвараецца ў мікраспарангіях шляхам меёза, мае гаплоідны набор храмасом. У папарацей і дзеразы з М. прарастае моцна рэдукаваны мужчынскі гаметафіт (зарастак) з палавымі органамі — антэрыдыямі. У насенных раслін М. адпавядае пылковае зерне.

т. 10, с. 362

Беларуская Энцыклапедыя (1996—2004, правапіс да 2008 г., часткова)

мікраспо́ра

(ад мікра- + спора)

дробная спора ў разнаспоравых вышэйшых раслін, якая развіваецца ў мікраспарангіі (параўн. мегаспора).

Слоўнік іншамоўных слоў (А. Булыка, 1999, правапіс да 2008 г.)

микроспо́ра бот. мікраспо́ра, -ры ж.

Руска-беларускі слоўнік НАН Беларусі, 10-е выданне (2012, актуальны правапіс)

ГЕТЭРАСПАРЫ́Я (ад гетэра... + грэч. spora сяўба, насенне),

разнаспоравасць, утварэнне спор розных памераў у некаторых вышэйшых раслін (напр., у водных папарацей, селагінелавых і інш.). Буйныя споры (мегаспоры, або макраспоры) даюць жаночыя расліны, дробныя (мікраспоры) — мужчынскія. У пакрытанасенных раслін мікраспора (пылок) пры прарастанні дае мужчынскі заростак, мегаспора, якая ўтвараецца ў семязавязі, прарастае ў жаночы заростак — зародкавы мяшок.

т. 5, с. 209

Беларуская Энцыклапедыя (1996—2004, правапіс да 2008 г., часткова)

мікраспорагене́з

(ад мікраспора + -генез)

развіццё мікраспор у разнаспоравых папарацепадобных і насенных раслін.

Слоўнік іншамоўных слоў (А. Булыка, 1999, правапіс да 2008 г.)

мікраспарацы́т

(ад мікраспора + -цыты)

мацярынская клетка, з якой у выніку меёзу ўтвараецца тэтрада мікраспор.

Слоўнік іншамоўных слоў (А. Булыка, 1999, правапіс да 2008 г.)