МІ́МІКА (ад грэч. mimikos пераймальны),
выразныя рухі мышцаў твару; адна з форм выяўлення пачуццяў, настрою чалавека. Адрозніваюць М. міжвольную і свядомую (М. акцёра). У тэатры М. — важны элемент акцёрскага мастацтва; дапамагае акцёру стварыць сцэн. вобраз, выявіць псіхал. характарыстыку, фізічны і душэўны стан персанажа. На М. пабудавана мастацтва пантамімы.
т. 10, с. 377
Беларуская Энцыклапедыя (1996—2004, правапіс да 2008 г., часткова)
kondycja
kondycj|a
ж.
1. форма, стан, кандыцыя;
być w dobrej (słabej) ~i — быць у добрай (дрэннай) форме;
2. стан, становішча, сітуацыя;
~a finansowa — фінансавае становішча;
~a materialna — матэрыяльнае становішча
Польска-беларускі слоўнік (Я. Волкава, В. Авілава, 2004, правапіс да 2008 г.)
нірва́на, ‑ы, ж.
Паводле вучэння будыстаў — стан спакою і шчасця, які дасягаецца адмаўленнем ад усіх жыццёвых клопатаў і імкненняў. // Месца, дзе знаходзяцца «душы» ў такім стане. // перан. Стан спакою, сузірання і асалоды.
•••
Патануць у нірване гл. патануць.
[Санскрыт. nirvāna — знікненне, згасанне.]
Тлумачальны слоўнік беларускай мовы (1977-84, правапіс да 2008 г.)
ЗАГАРТО́ЎКА,
тэрмічная апрацоўка матэрыялаў, якая робіцца іх награваннем і наступным хуткім ахаладжэннем з мэтай фіксацыі (замацавання) высокатэмпературнага стану або прадухілення (падаўлення) непажаданых працэсаў, што адбываюцца пры павольным ахаладжэнні. З. магчыма толькі для рэчываў, раўнаважны стан якіх пры высокай т-ры адрозніваецца ад раўнаважнага стану пры нізкай т-ры (крышт. структурай, канцэнтрацыяй, дэфектнасцю). У выніку З. ствараецца адносна ўстойлівы (метастабільны) стан, які пры награванні пераходзіць у больш стабільны. З. апрацоўваюць металы, іх сплавы, шкло і інш.
Найб. пашырана З. сталі. Награваннем вышэй за крытычную т-ру сталь пераводзіцца ў стан аўстэніту — цвёрдага раствору вугляроду і легіравальных элементаў у гама-жалезе, што дазваляе растварыць у аўстэніце карбіды і рэалізаваць уплыў легіравальных элементаў і вугляроду на ўласцівасці сталі. Пры ахаладжэнні з пэўнай скорасцю падаўляецца распад аўстэніту на ферытна-карбідную сумесь і адбываецца бездыфузійнае (зрухавае) пераўтварэнне аўстэніту ў мартэнсіт. Пры гэтым рэзка павялічваецца цвёрдасць, трываласць, магн. насычэнне і зніжаецца пластычнасць сталі. Пасля З. сталі абавязковы водпуск, які забяспечвае зададзенае спалучэнне цвёрдасці, трываласці, вязкасці і пластычнасці. Загартоўваюць таксама старэючыя сплавы (для атрымання перанасычанага цвёрдага раствору, які распадаецца пры старэнні з умацаваннем), вадкасці (для фіксацыі шклопадобнага стану), шкло (для зніжэння дэфектнасці і паляпшэння мех. уласцівасцей) і інш. Пры З. цвярдзеюць толькі сталі, якія загартоўваюцца на мартэнсіт; З. металічных сплаваў (старэючых, накляпаных і інш.) суправаджаецца зніжэннем цвёрдасці.
Літ.:
Курдюмов Г.В. Явления закалки и отпуска стали. М., 1960.
Г.Г.Паніч.
т. 6, с. 496
Беларуская Энцыклапедыя (1996—2004, правапіс да 2008 г., часткова)
аве́рсія
(лац. aversio = агіда)
адна з цяжкіх формаў сексуальнай дысфункцыі, стан, процілеглы лібіда.
Слоўнік іншамоўных слоў (А. Булыка, 1999, правапіс да 2008 г.)
амарфі́зм
(ад гр. amorphos = бясформенны)
1) аморфны стан рэчыва;
2) перан. бясформеннасць, расплывістасць.
Слоўнік іншамоўных слоў (А. Булыка, 1999, правапіс да 2008 г.)
антыферамагне́тык
(ад анты- + ферамагнетык)
рэчыва, у якім ніжэй пэўнай тэмпературы ўзнікае стан антыферамагнетызму.
Слоўнік іншамоўных слоў (А. Булыка, 1999, правапіс да 2008 г.)
іпахо́ндрыя
(гр. hypochondria)
стан душэўнай прыгнечанасці, які характарызуецца непамерным страхам за сваё здароўе.
Слоўнік іншамоўных слоў (А. Булыка, 1999, правапіс да 2008 г.)
каагулапа́тыя
(ад лац. coagulum = згусанне + -патыя)
хваравіты стан, які выклікаецца парушэннямі згусання крыві.
Слоўнік іншамоўных слоў (А. Булыка, 1999, правапіс да 2008 г.)
сля́бінг
(англ. slabbing)
магутны пракатны стан, прызначаны для абціскання стальных зліткаў у слябы.
Слоўнік іншамоўных слоў (А. Булыка, 1999, правапіс да 2008 г.)