аго́йтацца, -аюся, -аешся, -аецца; зак. (разм.).

Асвойтацца, прывыкнуць да чаго-н.

За месяц агойтаўся ў новым асяроддзі.

Тлумачальны слоўнік беларускай літаратурнай мовы (І. Л. Капылоў, 2022, актуальны правапіс)

аго́йтацца

дзеяслоў, непераходны, закончанае трыванне, зваротны, 1-е спражэнне

Будучы час
адз. мн.
1-я ас. аго́йтаюся аго́йтаемся
2-я ас. аго́йтаешся аго́йтаецеся
3-я ас. аго́йтаецца аго́йтаюцца
Прошлы час
м. аго́йтаўся аго́йталіся
ж. аго́йталася
н. аго́йталася
Загадны лад
2-я ас. аго́йтайся аго́йтайцеся
Дзеепрыслоўе
прош. час аго́йтаўшыся

Крыніцы: dzsl2007, krapivabr2012, piskunou2012, sbm2012, tsblm1996, tsbm1984.

Граматычная база Інстытута мовазнаўства НАН Беларусі (2025, актуальны правапіс)

аго́йтацца сов., разг. свы́кнуться

Беларуска-рускі слоўнік, 4-е выданне (2012, актуальны правапіс)

аго́йтацца, ‑аюся, ‑аешся, ‑аецца; зак.

Разм. Прывыкнуць да чаго‑н., асвойтацца. Каменнаму трэба быць, каб жыць у сям’і Верамейчыкаў.. Ды агойталася [Зося] ужо трохі за колькі год, прывыкла да грызні. Крапіва.

Тлумачальны слоўнік беларускай мовы (1977-84, правапіс да 2008 г.)

Аго́ўтацца, агойтацца ’звыкнуць, супакоіцца’ (БРС, Шат., Бір. дыс., Бяльк., Гарэц., Янк. I), ’прыйсці да памяці’ (КЭС, Некр.), ’ачысціцца ад гразі’ (Шат., Касп.). Няясна. Зыходная форма павінна быць *гоўтацца (параўн. укр. (о)говтатися). Магчыма, запазычанне. Этымалогіі на славянскай глебе няма і слова мае вельмі звужаны арэал (беларуска-ўкраінская ізалекса?). Тады з балт.: літ. gul̃ti ’легчы адпачываць, спаць’, gùlta ’пасцель, ложа’, лат. gùlta ’тс’. Бел. *гоўтацца ’адпачываць’ дало агоўтацца ’звыкнуць, супакоіцца, прыйсці да памяці’. У гэтым выпадку няясна, як вытлумачыць другое значэнне ’ачысціцца ад гразі’.

Этымалагічны слоўнік беларускай мовы (1978-2017)

прывыкнуць, звыкнуцца, звыкнуць, абвыкнуць, прызвычаіцца, асвоіцца, асвойтацца, агледзецца, зжыцца, прыжыцца, абжыцца, уцягнуцца, прылажыцца; атукацца, агойтацца, агоўтарыцца, абабіцца, паабіцца, атаўчыся, абцярпецца, ацярпецца, абцерціся, паабцерціся, прыцерціся, абырацца (разм.); абламацца, прыламацца, уламацца, абмяцца, акліматызавацца (перан.)

Слоўнік сінонімаў і блізказначных слоў, 2-е выданне (М. Клышка, правапіс да 2008 г.)