Verbum

прама́сліць, -лю, -ліш, -ліць; -лены; зак., што.

Насыціць маслам, чым-н. масляністым.

П. тканіну.

|| незак. прама́сліваць, -аю, -аеш, -ае.

наса́ліць, -лю, -ліш, -ліць; зак., што (разм.).

Намазаць, нацерці чым-н. тлустым.

Н. валасы.

|| незак. наса́льваць, -аю, -аеш, -ае.

насо́ваць, -аю, -аеш, -ае; -аны; зак., чаго.

Засоўваючы ўнутр чаго-н., напоўніць чым-н.

Н. розных рэчаў у чамадан.

параўнава́цца, -ну́юся, -ну́ешся, -ну́ецца; -ну́йся; зак., з кім-чым (разм.).

Тое, што і параўняцца.

|| незак. параўно́ўвацца, -аюся, -аешся, -аецца.

пашмо́ргаць, -аю, -аеш, -ае; зак., што і чым (разм.).

Шмаргануць некалькі разоў.

П. носам.

|| незак. пашмо́ргваць, -аю, -аеш, -ае.

пэ́цнуць, -ну, -неш, -не; -ні́; зак. (разм.).

1. гл. пэцкаць.

2. каго (што), па чым. Ударыць.

П. па твары.

усмалі́ць², -малю́, -ма́ліш, -ма́ліць; -ма́лены; зак., чым і без дап. (разм.).

Моцна ўдарыць.

У. пугай.

Замоўкні, бо зараз усмалю!

устарані́цца, -раню́ся, -ро́нішся, -ро́ніцца; зак.

Ухіліцца ад удзелу ў чым-н.

У. ад спраў.

|| незак. устараня́цца, -я́юся, -я́ешся, -я́ецца.

чы́сцец, -стца, м.

Паводле вучэння каталіцкай царквы: месца, дзе душы нябожчыкаў ачышчаюцца ад грахоў, перш чым трапіць у рай.

шчамі́ць, 1 і 2 ас. не ўжыв., шчэ́міць; незак., што.

Сціскаць што-н. паміж чым-н.

Перавясла шчэміць руку.