Verbum

нявы́крутка, -і, ДМ -тцы, ж. (разм.).

Цяжкае або бязвыхаднае становішча.

Н. з сенам.

о́смас, -у, м. (спец.).

Прасочванне растваральніку ў раствор скрозь напаўпранікальныя або раслінныя перапонкі, тканкі.

падзе́мны, -ая, -ае.

Які знаходзіцца або выконваецца пад паверхняй зямлі.

Падземныя воды.

Падземныя работы.

падлёдны, -ая, -ае.

Які знаходзіцца або робіцца пад лёдам.

Падлёдная вада.

Падлёдная лоўля рыбы.

спідве́й, -я, м.

Від спорту — мотагонкі на спецыяльных (гаравым, земляным, травяным або ледзяным) трэках.

спіча́сты, -ая, -ае.

3 вострым верхам або канцом.

Спічастая вежа.

|| наз. спіча́стасць, -і, ж.

суднахо́дны, -ая, -ае.

Даступны або прызначаны для суднаходства.

Суднаходная рака.

|| наз. суднахо́днасць, -і, ж.

прагімна́зія, -і, мн. -і, -зій, ж. (уст.).

Няпоўная (з чатырох- або шасцікласным курсам) гімназія.

пракі́слы, -ая, -ае.

Сапсаваны ў выніку браджэння або ўласцівы чаму-н. сапсаванаму.

Пракіслае піва.

прафілакто́рый, -я, мн. -і, -яў, м. (спец.).

Прафілактычная або лячэбна-прафілактычная ўстанова.

Заводскі п.