Verbum

павыву́чваць, -аю, -аеш, -ае; зак., каго-што.

Вывучыць усё, многае або ўсіх, многіх.

П. вершы.

Павывучваў сыноў на аграномаў.

павыраза́ць, -а́ю, -а́еш, -а́е; -а́ны; зак., каго-што.

Выразаць усё, многае.

П. старыя дрэвы.

П. патрэбныя артыкулы з газет.

паддо́брыцца, -руся, -рышся, -рыцца; зак., да каго.

Падлашчыцца, заваяваць да сябе прыхільнасць.

Умее п.

|| незак. паддо́брывацца, -аюся, -аешся, -аецца.

падслужы́цца, -ужу́ся, -у́жышся, -у́жыцца; зак., да каго (разм.).

Ліслівай паслужлівасцю дабіцца чыёй-н. прыхільнасці.

|| незак. падслу́жвацца, -аюся, -аешся, -аецца.

паклёпнік, -а, мн. -і, -аў, м.

Той, хто паклёпнічае на каго-, што-н.

|| ж. паклёпніца, -ы, мн. -ы, -ніц.

папаздзе́кавацца, -куюся, -куешся, -куецца; -куйся; зак., з каго-чаго (разм.).

Здзекавацца доўга, неаднаразова.

Беднае хлапчанё, папаздзекаваліся з яго людзі.

папрадава́ць, -даю́, -дае́ш, -дае́; -даём, -даяце́, -даю́ць; -дава́ны; зак., каго-што.

Прадаць усё, многае або ўсіх, многіх.

П. маёмасць.

папрыво́зіць, -во́жу, -во́зіш, -во́зіць; зак., каго-што.

Прывезці куды-н. усіх, многіх або ўсё, многае.

П. мэблю ў кватэру.

папрыпі́сваць, -аю, -аеш, -ае; -аны; зак., каго-што.

Прыпісаць усіх, многіх або ўсё, многае.

П. дапрызыўнікаў да прызыўных пунктаў.

папрысыла́ць, -а́ю, -а́еш, -а́е; зак., каго-што.

Прыслаць усё, многае або ўсіх, многіх.

П. маладых спецыялістаў у гаспадаркі раёна.