Verbum

пераваля́ць, -я́ю, -я́еш, -я́е; -я́ны; зак., каго-што.

Паваліць усіх, многіх або ўсё, многае.

перагру́жанасць, -і, ж.

Празмерная загружанасць, нагрузка ў каго-, чаго-н.

П. судна.

П. работай.

перажані́ць, -жаню́, -жэ́ніш, -жэ́ніць; -жэ́нены; зак., каго (што).

Пажаніць усіх, многіх.

П. усіх сыноў.

ператрыво́жыць, -жу, -жыш, -жыць; -жаны; зак., каго.

Моцна ўстрывожыць.

Вы мяне ператрывожылі сваім паведамленнем.

прамарга́ць, -а́ю, -а́еш, -а́е; -а́ны; зак., каго-што (разм.).

Празяваць, упусціць.

П. выгадны выпадак.

прафнепрыго́днасць, -і, ж.

Скарачэнне: прафесійная непрыгоднасць.

Вызваліць каго-н. ад працы з-за прафнепрыгоднасці.

працаўладкава́нне, -я, н. (афіц.).

Уладкаванне на працу, забеспячэнне працай каго-н.

П. выпускнікоў вучылішча.

прачака́цца, -а́юся, -а́ешся, -а́ецца; зак., каго-што (разм.).

Стаміцца ад доўгага чакання.

П. пісьма.

разбамбі́ць, -бамблю́, -бамбі́ш, -бамбі́ць; -бамбі́м, -бамбіце́, -бамбя́ць; -бо́мблены; зак., каго-што.

Разбіць, разбурыць бамбёжкай.

разлютава́ць, -ту́ю, -ту́еш, -ту́е: -ту́й; -тава́ны; зак., каго.

Прывесці ў лютасць.

Разлютавалі несправядлівыя нападкі.