Verbum

нарцы́с, ‑а, м.

Шматгадовая травяністая цыбульная расліна сямейства амарылісавых з белымі або жоўтымі кветкамі.

[Грэч. Narkissos.]

натуралізава́цца, ‑зуюся, ‑зуешся, ‑зуецца; зак. і незак.

Прыняць (прынімаць) грамадзянства або падданства чужой краіны.

нахі́льны, ‑ая, ‑ае.

Які адхіляецца ад вертыкальнага або гарызантальнага становішча. Нахільны пласт. Нахільная шахта.

неалагі́зм, ‑у, м.

Словы або выразы, якія з’яўляюцца ў мове для абазначэння новых паняццяў.

[Ад грэч. neos — новы і lógos — слова.]

некро́з, ‑а, м.

Спец. Амярцвенне групы клетак, органа або яго часткі ў жывым арганізме.

[Грэч. nékrōsis — амярцвенне.]

поліфані́я, ‑і, ж.

Спец. Адначасовае спалучэнне ў вакальным або інструментальным творы некалькіх галасоў; многагалоссе.

[Грэч. polyphōnia.]

пераву́дзіць, ‑джу, ‑дзіш, ‑дзіць; зак., каго-што.

Разм. Вывудзіць усё, многае або ўсіх, многіх.

перакадзі́раваць, ‑рую, ‑руеш, ‑руе; зак., што.

Закадзіраваць што‑н. нанава або іначай. Перакадзіраваць паведамленне.

перакале́чыцца, ‑чыцца; ‑чымся, ‑чыцеся, ‑чацца; зак.

Разм. Пакалечыцца ўсіх, многіх або пра ўсё, многае.

перакало́цца, ‑колецца; ‑колемся, ‑колецеся, ‑колюцца, зак.

Пакалоцца — пра ўсіх, многіх або пра ўсё, многае.