Verbum

галёнкаступнёвы, -ая, -ае.

У выразе: галёнкаступнёвы сустаў — сустаў, які злучае косці галёнкі і ступні.

гальвані́чны, -ая, -ае.

Які выкліканы, атрыманы шляхам хімічных рэакцый: пра электрычны ток.

Гальванічныя элементы.

гарачкапаніжа́льны, -ая, -ае.

Які зніжае павышаную тэмпературу цела.

Г. сродак.

Хвораму далі гарачкапаніжальнае (наз.).

гераі́н, -у, м.

Моцнадзейны наркотык, які вырабляецца з опійнага маку.

|| прым. гераі́навы, -ая, -ае.

горнавыратава́льны, -ая, -ае.

Які мае адносіны да выратавальных работ у рудніках, шахтах.

Горнавыратавальная брыгада.

гравёрны, -ая, -ае.

Які адносіцца да работы, да мастацтва гравёра.

Гравёрная майстэрня.

Гравёрнае мастацтва.

камфарта́бельны, -ая, -ае.

Які адпавядае ўсім патрабаванням камфорту.

Камфартабельная гасцініца.

|| наз. камфарта́бельнасць, -і, ж.

канаі́ст, -а, М -сце, мн. -ы, -аў, м.

Спартсмен, які займаецца грэбляй на каноэ.

капры́чыа, нескл., н. (спец.).

Віртуозны музычны твор, які вызначаецца жывасцю, нечаканымі і арыгінальнымі пераходамі.

ка́рны, -ая, -ае.

Які мае сваёй мэтай караць каго-н.

Карныя меры.

К. атрад.