Verbum

вяртля́вы, -ая, -ае (разм.).

Вельмі рухавы, непаседлівы.

Вяртлявае дзіця.

|| наз. вяртля́васць, -і, ж.

злая́касны, -ая, -ае.

Вельмі небяспечны для жыцця.

Злаякасная пухліна.

|| наз. злая́каснасць, -і, ж.

непасе́длівы, -ая, -ае.

Вельмі рухавы, мітуслівы, неспакойны.

Непаседлівае дзіця.

|| наз. непасе́длівасць, -і, ж.

бліц...

Першая састаўная частка складаных слоў са знач.: вельмі хуткі, маланкавы, напр., бліцтурнір.

бясцэ́нак, -нку, м.

У выразе: за бясцэнак (разм.) — вельмі танна.

Купіць за б.

веліза́рны, -ая, -ае.

Вельмі вялікі.

Велізарная плошча.

В. поспех.

|| наз. веліза́рнасць, -і, ж.

апасты́лы, -ая, -ае (разм.).

Які вельмі апрыкраў, надакучыў; зрабіўся нямілым, невыносным.

Апастылая атмасфера.

мярзо́тны, -ая, -ае (разм.).

Вельмі агідны; подлы.

Мярзотныя ўчынкі.

|| наз. мярзо́тнасць, -і, ж.

слонападо́бны, -ая, -ае.

Вельмі вялікі і тоўсты.

Слонападобная фігура.

|| наз. слонападо́бнасць, -і, ж.

уз’ю́шыцца, -шуся, -шышся, -шыцца; зак. (разм.).

Вельмі разгневацца, раззлавацца.

|| наз. уз’юшэ́нне, -я, н.