Verbum

пінцэ́т, -а, М -цэ́це, мн. -ы, -аў, м.

Медыцынскі або тэхнічны інструмент у выглядзе спружынных шчыпчыкаў.

|| прым. пінцэ́тны, -ая, -ае.

плёс, -а, мн. -ы, -аў, м.

Шырокі ціхі ўчастак ракі паміж перакатамі або астравамі.

Рачны п.

|| прым. плёсавы, -ая, -ае.

по́скудзь, -і, ж. (разм., пагард.).

Пра каго-н. агіднага, паскуднага або пра што-н. агіднае, паскуднае.

Не чалавек, а п.

прадчува́нне, -я, мн. -і, -яў, н.

Чаканне чаго-н., што павінна адбыцца, або чаго-н. невядомага.

Некаторыя людзі вераць прадчуванням.

прата́ць, 1 і 2 ас. не ўжыв., -а́е; зак.

Растаць або стаць талым.

Снег пратаў да зямлі.

|| незак. пратава́ць, -тае́.

панарыва́ць³, -а́ю, -а́еш, -а́е; -а́ны; зак., чаго.

Нарыць чаго-н. у вялікай колькасці або ў многіх месцах.

Дзікі панарывалі зямлі.

паперараза́ць, -а́ю, -а́еш, -а́е; -а́ны і паперарэ́зваць, -аю, -аеш, -ае; -аны; зак., каго-што.

Перарэзаць усё, многае або ўсіх, многіх.

папрыгіна́цца, 1 і 2 ас. адз. не ўжыв., -а́ецца; -а́емся, -а́ецеся, -а́юцца; зак.

Прыгнуцца — пра ўсіх, многіх або ўсё, многае.

папрыраза́ць, -а́ю, -а́еш, -а́е; -а́ны і папрырэ́зваць, -аю, -аеш, -ае; -аны; зак., каго-што.

Прырэзаць усіх, многіх або ўсё, многае.

параспіха́ць, -а́ю, -а́еш, -а́е; -а́ны і параспі́хваць, -аю, -аеш, -ае; -аны; зак., каго-што.

Распіхаць усё, многае або ўсіх, многіх.