Verbum

амле́т, -у, М -ле́це, м.

Страва з разбоўтаных з малаком і мукой яек.

|| прым. амле́тны, -ая, -ае.

шарло́тка, -і, ДМ -тцы, мн. -і, -так, ж.

Страва з запечанага цеста або сухароў з яблыкамі.

далікатэ́с, -у, мн. -ы, -аў, м.

Рэдкая, вытанчаная, вельмі смачная страва.

Пакаштуйце нашых далікатэсаў.

|| прым. далікатэ́сны, -ая, -ае.

саладу́ха, -і, ДМ -ду́се, ж.

Салодкая страва з густазаваранай жытняй мукі.

Дзеці перабіваліся на бульбе з саладухаю.

фаст-фу́д, -у, м.

1. Сістэма экспрэс-харчавання; хуткае харчаванне.

2. Страва, набытая ў рэстаране сістэмы экспрэс-харчавання.

запра́ўка, -і, ДМ -ўцы, ж.

1. гл. заправіць, заправіцца.

2. Прыправа да стравы, заправа (разм.).

Страва без запраўкі.

цура́, -ы́, ж.

Страва з пакрышанага ў квас або ў ваду хлеба з соллю, цыбуляй, часам з алеем; рулі.

мус, -у, м.

Салодкая страва з узбітай фруктовай, ягаднай, малочнай масы з маннымі крупамі або жэлацінам.

|| прым. му́савы, -ая, -ае.

паштэ́т, -у, М -тэ́це, м.

Страва з мясных, рыбных і інш. прадуктаў, працёртых да пастападобнага стану.

|| прым. паштэ́тны, -ая, -ае.

сычу́г, -а́, м.

1. Адзін з аддзелаў страўніка жвачных жывёл.

2. Страва з фаршыраванага каровінага страўніка.

|| прым. сычу́жны, -ая, -ае.