этажэрка назоўнік | жаночы род
-
Прадмет мэблі ў выглядзе некалькіх паліц, размешчаных адна над адной на стойках.
-
пераноснае значэнне: Невялікі самалёт простай канструкцыі з дзвюма плоскасцямі, размешчанымі адна над другой
(размоўнае).
|| прыметнік: этажэрачны.
эталогія назоўнік | жаночы род
Навука аб паводзінах жывёл у натуральных умовах.
|| прыметнік: эталагічны.
эталон назоўнік | мужчынскі род
-
Дакладны ўзор устаноўленай адзінкі вымярэння, сама такая дакладная мера.
-
пераноснае значэнне: Узор, стандарт для параўнання з чым-н. (кніжнае).
- Быць эталонам для каго-н.
|| прыметнік: эталонны.
этап назоўнік | мужчынскі род
-
Асобны момант, стадыя якога-н. працэсу.
- Новы э. развіцця.
- Новы э. будаўніцтва города.
-
Пункт на шляху руху войск, дзе ваеннаслужачыя забяспечваюцца харчамі, фуражом, начлегам.
-
Пункт для начлегу на шляху партый арыштантаў, а таксама шлях іх руху да месца ссылкі і сама група, партыя
арыштантаў.
-
Асобная частка шляху, а таксама (спецыяльны тэрмін) пэўны адрэзак дыстанцыі ў спартыўных спаборніцтвах.
Па этапу або этапам — пад канвоем (пра спосаб перасылкі арыштантаў).
Пройдзены этап — пра тое, што зроблена, засталося ззаду.
|| прыметнік: этапны.
этна прыстаўка
Першая частка складаных слоў са знач. які мае адносіны да народа, напр. этнагеаграфія, этнадэмаграфія,
этнакультуразнаўчы, этналінгвістыка, этнамоўны, этнамузыказнаўства, этнапсіхалогія, этнасацыялогія.
этнагеаграфія назоўнік | жаночы род
Навуковая дысцыпліна, што знаходзіцца на стыку этнаграфіі з геаграфіяй і вывучае размяшчэнне этнічных супольнасцей,
асаблівасці іх рассялення і тэрытарыяльных узаемаадносін у цеснай залежнасці ад сацыяльна-эканамічных, палітычных,
прыродных і іншых фактараў.
|| прыметнік: этнагеаграфічны.
этнагенэз назоўнік | мужчынскі род | спецыяльны тэрмін
Паходжанне народаў.
|| прыметнік: этнагенетычны.
этнаграфія назоўнік | жаночы род
-
Навука, якая вывучае матэрыяльную і духоўную культуру народаў.
-
Асаблівасці быту, нораваў, культуры, звычаяў якога-н. народа, народнасці, мясцовасці і пад.
|| прыметнік: этнаграфічны.
этналогія назоўнік | жаночы род
Навука, якая даследуе народы, іх паходжанне (этнагенез), рассяленні, побыт і культуру; этнаграфія (у 1 знач.).
|| прыметнік: этналагічны.
этнаніміка назоўнік | жаночы род
Раздзел анамастыкі, які вывучае назвы нацый, народаў, народнасцей, плямёнаў і г.д.
|| прыметнік: этнанімічны.