Verbum

хітраспляценне назоўнік | ніякі род | кніжнае

1. Складаная задума, хітрасць.

   • Разгадаць чые-н. хітраспляценні.

2. Складаны і мудрагелісты выклад думак.

   • Моўныя хітраспляценні.

хітрасць назоўнік | жаночы род

1. гл. хітры.

2. Учынкі, паводзіны, разлічаныя на ўвядзенне каго-н. у зман.

   • Разгадаць чыю-н. х.

3. Спрытнасць, выкрутлівасць.

   • Не ўменнем, дык хітрасцю.

4. Аб чым-н., што зроблена мудрагеліста, складана, з загадкай.

   • Замок з хітрасцю.

хітруга назоўнік | мужчынскі і жаночы род | размоўнае

Вельмі хітры чалавек.

• Гэтага хітругі больш пад зямлёй, чым на зямлі.

хітрун назоўнік | мужчынскі род | размоўнае

Хітры чалавек, махляр, падманшчык.

|| жаночы род: хітруха.

|| прыметнік: хітрунскі.

хітры прыметнік

1. Выкрутлівы, які дзейнічае скрытна, не яўна.

   • Х. хлопец.

2. Які выражае хітрасць.

   • Х. погляд.
   • Хітрая ўсмешка.

3. Разлічаны на ўвядзенне каго-н. у зман.

   • Хітрая палітыка.

4. Зроблены з умельствам, выдумкай, сакрэтам.

   • Х. механізм.

|| назоўнік: хітрасць.

хітрыкі назоўнік

Хітрыя, махлярскія прыёмы.

• Надаелі мне твае х.

хітрыць дзеяслоў | незакончанае трыванне

Праяўляць хітрасць.

• Не трэба х.

|| закончанае трыванне: схітрыць.

хітрэц назоўнік | мужчынскі род

Хітрун, каварны чалавек, махляр, ашуканец.

|| прыметнік: хітрэцкі.

хіхікаць дзеяслоў | размоўнае | незакончанае трыванне

Спадцішка смяяцца, звычайна са злараднасцю.

• Чаго ты хіхікаеш?

|| аднакратны дзеяслоў: хіхікнуць.

|| назоўнік: хіхіканне.