Verbum

каардыната назоўнік | жаночы род

1. Адна з велічынь, якая вызначае месцазнаходжанне пункта на плоскасці або ў прасторы (спецыяльны тэрмін).

   • Геаграфічныя каардынаты.

2. пераноснае значэнне: Звесткі пра месцазнаходжанне або месцапражыванне каго-н. (размоўнае).

   • Напішы мне свае к.

|| прыметнік: каардынатны.

каардынатар назоўнік | мужчынскі род | кніжнае

Асоба, якая ажыццяўляе каардынацыю чаго-н.

каб​¹ злучнік

1. Далучае да галоўнага пабочны сказ з мэтавым або паясняльным значэннем.

   • Трэба чытаць больш выразна, каб усім было зразумела.
   • Спяшаюся, каб не спазніцца на поезд.

2. умоўны. Далучае даданы сказ, які паведамляе пра ўмовы здзяйснення чаго-н.

   • Каб ён змог, то зрабіў бы сам.
   • Не прыехаў бы, каб не было патрэбы.

3. Уводзіць пабочныя і ўстаўныя словазлучэнні і сказы.

   • А я, каб ты ведала, заўтра паеду ў камандзіроўку.

каб​² часціца

1. Ужыв. пры выказванні скаргі, праклёну, пажадання (звычайна ў пачатку простых сказаў).

   • К. такіх вылюдкаў зямля не насіла!

2. Ужыв. пры выказванні сумнення ў магчымасці чаго-н.

   • К. толькі адна гэта бяда.

кабала назоўнік | жаночы род

1. У старажытнай і сярэдневяковай Русі: даўгавое абавязацельства, якое ставіла пазычальніка ў асабістую маёмасную залежнасць ад пазыкадаўца, а таксама сама гэта залежнасць.

2. пераноснае значэнне: Поўная залежнасць ад каго-н.

   • Селянін быў у кабале ў памешчыка.

кабальны прыметнік

1. Які мае адносіны да кабалы (у 1 знач.), знаходзіцца ў кабале (у 2 знач.).

   • Кабальная залежнасць.

2. пераноснае значэнне: Які з’яўляецца кабалой (у 2 знач.), вельмі цяжкі.

   • Кабальныя ўмовы.

кабалістыка назоўнік | жаночы род

1. Сярэдневяковая містычная плынь у іудаізме, якая прымяняла магічныя рытуалы і варажбу.

2. пераноснае значэнне: Штосьці незразумелае, заблытанае, поўнае загадкавай сілы (кніжнае іранічны сэнс).

|| прыметнік: кябалістычны.

кабан назоўнік | мужчынскі род

1. Самец свінні, кныр.

2. Дзікая свіння, дзік.

|| памяншальная форма: кабанчык.

кабаніна назоўнік | жаночы род

Мяса кабана.

• Воўк да кабаніны вельмі ласы.

кабарга назоўнік | жаночы род

Сібірская і азіяцкая бязрогая горная жывёліна сямейства аленевых.

|| прыметнік: кабарговы.