няя́сыць, -і, мн. -і, -ей, ж.

Вялікая птушка атрада соў.

Тлумачальны слоўнік беларускай літаратурнай мовы (І. Л. Капылоў, 2022, актуальны правапіс)

няя́сыць

назоўнік, агульны, адушаўлёны, неасабовы, жаночы род, 3 скланенне

адз. мн.
Н. няя́сыць няя́сыці
Р. няя́сыці няя́сыцей
няя́сыцяў
Д. няя́сыці няя́сыцям
В. няя́сыць няя́сыцей
няя́сыцяў
Т. няя́сыццю няя́сыцямі
М. няя́сыці няя́сыцях

Крыніцы: krapivabr2012, nazounik2008, piskunou2012, sbm2012, tsblm1996, tsbm1984.

Граматычная база Інстытута мовазнаўства НАН Беларусі (2026/01, актуальны правапіс)

няя́сыць ж., зоол. нея́сыть

Беларуска-рускі слоўнік, 4-е выданне (2012, актуальны правапіс)

няя́сыць, ‑і, ж.

Род вялікіх соў.

Тлумачальны слоўнік беларускай мовы (1977-84, правапіс да 2008 г.)

Няясыць звычайная 7/561 (іл.) Няясыці 7/561; 9/627

Беларуская Савецкая Энцыклапедыя (1969—76, паказальнікі; правапіс да 2008 г., часткова)

БАРАДА́ТАЯ НЯЯ́СЫЦЬ,

гл. Няясыць барадатая.

т. 2, с. 288

Беларуская Энцыклапедыя (1996—2004, правапіс да 2008 г., часткова)

ЛАПЛА́НДСКАЯ НЯЯ́СЫЦЬ,

птушка, гл. Няясыць барадатая.

т. 9, с. 133

Беларуская Энцыклапедыя (1996—2004, правапіс да 2008 г., часткова)

НЯЯ́СЫЦЬ БАРАДА́ТАЯ, няясыць каменная,

няясыць лапландская (Strix nebulosa),

птушка сям. савіных атр. совападобных. Пашырана ў зоне хваёвых лясоў (старых яловых і ялова-альховых) Паўн. паўшар’я. На Беларусі рэдкі аселы від, занесена ў Чырв. кнігу.

Даўж. да 84 см, маса самцоў да 800, самак да 1200 г. Апярэнне мяккае, шаравата-бурае або дымчата-шэрае, з густым малюнкам. Тваравы дыск шараваты з вузкімі цёмнымі палосамі і чорнымі плямамі пад вачыма. Пад дзюбай вял. чорная пляма — «барада» (адсюль назва). Вочы і дзюба жоўтыя. Корміцца пераважна мышападобнымі грызунамі, а таксама птушкамі, вавёркамі і інш. Нясе 2—5, зрэдку Да 7 яец.

А.​М.​Петрыкаў.

Няясыць барадатая.

т. 11, с. 423

Беларуская Энцыклапедыя (1996—2004, правапіс да 2008 г., часткова)

ДАЎГАХВО́СТАЯ НЯЯ́СЫЦЬ,

гл ў арт. Няясыці.

т. 6, с. 65

Беларуская Энцыклапедыя (1996—2004, правапіс да 2008 г., часткова)

нея́сыть зоол. няя́сыць, -ці ж.; шэ́рая сава́.

Руска-беларускі слоўнік НАН Беларусі, 10-е выданне (2012, актуальны правапіс)