аптычных - Пошук

Аберацыі аптычных сістэм 1/19, 20—21; 3/406; 4/332; 6/58, 375, 465; 9/274, 275

Беларуская Савецкая Энцыклапедыя (1969—76, паказальнікі; правапіс да 2008 г., часткова)

АБЕРА́ЦЫІ АПТЫ́ЧНЫХ СІСТЭ́М

(ад лац. aberratio адхіленне),

скажэнні відарысаў у аптычных сістэмах. Абумоўлены недасканаласцю пераламляльных і адбівальных паверхняў аптычных сістэм, выкарыстаннем шырокіх пучкоў прамянёў нямонахраматычнага святла. Выяўляюцца ў парушэнні геам. падабенства відарыса і арыгінала або афарбоўцы відарыса. Адрозніваюць геам., храматычныя і дыфракцыйныя аберацыі аптычных сістэм.

Геаметрычныя выяўляюцца ў монахраматычным святле, падзяляюцца на астыгматызм, дысторсію, кому і сферычную аберацыю (відарыс пункта мае выгляд кружка рассейвання; абумоўлена тым, што вонкавыя і цэнтр. зоны лінзы са сферычнымі паверхнямі даюць відарыс у розных месцах аптычнай восі). Храматычныя ўзнікаюць у натуральным святле ў выніку неаднолькавага пераламлення прамянёў святла з рознай даўжынёй хвалі (адсутнічаюць у аптычных сістэмах з адбівальнымі паверхнямі); дыфракцыйныя — пры дыфракцыі святла на дыяфрагмах, аправах лінзаў і люстэркаў; абмяжоўваюць раздзяляльную здольнасць аптычнай прылады.

т. 1, с. 21

Беларуская Энцыклапедыя (1996—2004, правапіс да 2008 г., часткова)

апты́чны

прыметнік, адносны

	адз.			мн.
	м.	ж.	н.	-
Н.	апты́чны	апты́чная	апты́чнае	апты́чныя
Р.	апты́чнага	апты́чнай апты́чнае	апты́чнага	апты́чных
Д.	апты́чнаму	апты́чнай	апты́чнаму	апты́чным
В.	апты́чны (неадуш.) апты́чнага (адуш.)	апты́чную	апты́чнае	апты́чныя (неадуш.) апты́чных (адуш.)
Т.	апты́чным	апты́чнай апты́чнаю	апты́чным	апты́чнымі
М.	апты́чным	апты́чнай	апты́чным	апты́чных

Крыніцы: krapivabr2012, piskunou2012, prym2009, sbm2012, tsblm1996, tsbm1984.