Verbum

во́друб Зямля ў адным участку (усяго пасёлка, аднаго гаспадара); хутар (БРС).

□ пас. Водруб каля в. Зімніца Слаўг.

забо́ка Бяссцёкавая азярына на лузе, якая ніколі не перасыхае (Рэч.).

□ ур. Забока (старыца) каля в. Заспа Рэч.

за́гарад Месца начнога стаяння жывёлы на далёкіх пашах (Навагр., Стол.).

□ ур. Загарад (поле) каля в. Кароцічы Стол.

злом Зламанае ў навальніцу дрэва; паламаны бурай лес (Слаўг.).

□ ур. Злом (балота) каля в. Пасека Ст.-дар.

капе́ж Месца каля будынка, куды сцякае са страхі вада (БРС). Тое ж каплё (Нас.), капа́ж (Ст.-дар.).

кілі́ш Малы кар'ер, дзе ўручную нарыхтоўваюць торф на паліва (Шчуч.).

□ ур. Кілішы́ (балота) каля в. Юшкі Шчуч.

ле́дніца Месца, дзе зімой нарыхтоўваюць лёд (Уш.).

□ ур. Ле́дніца (месца каля возера) недалёка ад в. Чарсвяны Уш.

ні́жня Нізкі луг (Слаўг.).

□ ур. Ніжня (нізкі луг), ур. Таўкачоўская Ніжня (заліўны луг) каля в. Дабранка Слаўг.

паддубро́ва Месца ўздоўж лесу (Нясв.).

□ ур. Паддуброва (лес, кусты, поле каля лесу) недалёка ад в. Юшкі Шчуч.

падзамёцішча Месца каля агароджы з бярвенняў або дзе стаяў замёт (Ветк., Слаўг.). Тое ж пудзумёцічча, падзамёцічча (Слаўг.).