Verbum

атапо́лье Вялікі абшар, дзе раней было некалькі хутароў (Нясв.).

□ ур. Атаполье (поле) каля в. Малева Нясв.

бе́лка Нягразкае балота, якое зарасло травой (Жытк.).

□ ур. Белкі (востраў і балота) каля в. Беражцы Жытк.

вазо́н Выгін ракі на роўным месцы, парослы вакол алешнікам (Стаўбц.).

□ ур. Вазоны каля в. Пруды Стаўбц.

ваўкаўня́

1. Яма для лоўлі ваўкоў (БРС).

2. Небяспечнае месца (Нас.).

□ ур. Каля Ваўкаве́нькі Стаўбц. (Прышч.).

заазяры́шча Месца за былым возерам, каля азярышча (Слаўг.). Тое ж завозірышча, зазе́рышча, завазе́рычча, зазе́рнішча, зазяроўе (Слаўг.).

задубы́ Месца па той бок дубоў, за дубамі (Слаўг.).

□ в. Задубы (1800) каля в. Літвінавічы Гом.

і́ўнік Зараснік ніцай вярбы, вербняку Salix viminalis L. (Слаўг.).

□ ур. Іўнік (сенажаць) каля в. Папоўка Слаўг.

ку́заў Тып паселішча, у якім двары размешчаны ўроскідку (Слаўг.).

□ ур. Кузаў (поле) каля в. Кульшычы Слаўг.

кутпо́лье Месца з выйсцем у адзін бок; тупік (Стол.).

□ ур. Кутполье (поле) каля в. Кароцічы Стол.

падале́ссе Месца каля балота (алёсу), нізкага лугу (Гом., Слаўг.). Тое ж падале́ссё (Рэч.).

□ саўгас «Падале́ссе» Рэч.