Verbum

э́лінг, -а, мн. -і, -аў, м. (спец.).

1. Спецыяльнае памяшканне на беразе, дзе будуецца ці рамантуецца корпус судна.

2. Памяшканне для дырыжабляў і аэрастатаў.

3. Збудаванне асобага тыпу для захоўвання спартыўных суднаў, вёслаў і іншага інвентару.

|| прым. э́лінгавы, -ая, -ае.

гара́ж, -а́, мн. -ы́, -о́ў, м.

Памяшканне для стаянкі і рамонту аўтатранспарту.

|| прым. гара́жны, -ая, -ае.

каю́т-кампа́нія, -і, мн. -і, -ній, ж.

Агульнае памяшканне на судне для сталавання, адпачынку і пад.

кармаку́хня, -і, мн. -і, -хань, ж.

Спецыяльнае памяшканне на ферме для прыгатавання корму жывёле і птушцы.

пра́льня, -і, мн. -і, -яў, ж.

Памяшканне, а таксама грамадскае прадпрыемства для мыцця бялізны.

Фабрыка-п.

накуры́ць, -куру́, -ку́рыш, -ку́рыць; -ку́раны; зак.

Курачы, напоўніць памяшканне табачным дымам.

|| незак. наку́рваць, -аю, -аеш, -ае.

пся́рня, -і, мн. -і, -рань, ж.

Памяшканне для сабак (пераважна паляўнічых); сабакарня.

|| прым. пся́рны, -ая, -ае.

пако́й, -я, мн. -і, -яў, м.

1. Асобнае памяшканне для жылля ў кватэры.

Ізаляваны п.

2. мн. Раскошныя жылыя памяшканні ў царскім палацы.

○

Прыёмны пакой — памяшканне ў бальніцы для прыёму хворых і аказання ім медыцынскай дапамогі.

|| прым. пакаёвы, -ая, -ае (да 1 знач.).