Verbum

мі́ласціна, -ы, ж.

Ахвяраванне жабраку, беднаму.

Прасіць міласціну.

мі́ласць, -і, ж.

1. Добрыя, велікадушныя адносіны.

Змяніць гнеў на м.

2. Ахвяраванне, дар.

◊

Ваша (твая, яго) міласць (уст.) — ужыв. як пачцівы зварот ніжэйшага да вышэйшага і пры ўпамінанні трэцяй асобы.

Міласці просім (разм.) — ветлівае запрашэнне зрабіць што-н.

Па міласці каго (іран.) — па чыёй-н. віне або дзякуючы каму-н.

Скажы на міласць (разм.) — выказванне здзіўлення, непаразумення і пад. з якой-н. прычыны.

міласэ́рнасць, -і, ж.

Гатоўнасць да дапамогі каму-н., спагада іншым.

Праявіць м.

міласэ́рны, -ая, -ае.

Які праяўляе міласэрнасць ці з’яўляецца вынікам міласэрнасці.

М. ўчынак.

мі́ленькі, -ая, -ае.

1. Прыемны на выгляд, прыгожы.

Міленькае дзіця.

2. Блізкі сэрцу, дарагі, каханы.

М. дружок.

3. у знач. наз. мі́ленькі, -ага, м., мі́ленькая, -ай, ж. Каханы чалавек.

4. Ужыв. як ласкавы або фамільярны зварот.

Прынясі дроўцаў, м.

◊

Як міленькі (разм.) — без пярэчанняў, абавязкова.

Будзе працаваць як м.

мілі...

Першая састаўная частка складаных слоў са знач.: адна тысячная доля той адзінкі, што называецца ў другой частцы слова, напр.: міліампер, мілівольт, мілімікрон.

мілігра́м, -а, мн. -ы, -гра́м і -аў, м.

Адна тысячная частка грама.

|| прым. міліграмо́вы, -ая, -ае.

міліме́тр, -а, мн. -ы, -аў, м.

Адна тысячная частка метра.

|| прым. міліметро́вы, -ая, -ае.

міліметро́ўка, -і, ДМ -ро́ўцы, ж. (разм.).

Папера для чарчэння з клеткамі, роўнымі аднаму квадратнаму міліметру.

мілітарызава́ць, -зу́ю, -зу́еш, -зу́е; -зу́й; -зава́ны; зак. і незак., што.

Падпарадкаваць (падпарадкоўваць) эканоміку, прамысловасць і пад. мэтам мілітарызму.

|| наз. мілітарыза́цыя, -і, ж.