Verbum

пагні́сці і пагні́ць, 1 і 2 ас. не ўжыв., -ніе́; пагні́ў, -ніла́, -ло́; зак.

Згнісці — пра ўсё, многае.

За многія гады салома пагніла на стрэхах.

пазабру́джвацца, 1 і 2 ас. адз. не ўжыв., -аецца; -аемся, -аецеся, -аюцца; зак.

Забрудзіцца, запэцкацца — пра ўсіх, многіх або ўсё, многае.

Дзеці пазабруджваліся.

Адзенне пазабруджвалася.

пазаціра́ць, -а́ю, -а́еш, -а́е; -а́ны; зак.

1. што. Зацерці, выцерці ўсё, многае.

П. надпісы.

2. каго. Сціснуць, заціснуць усіх, многіх.

Ільды могуць пазаціраць малыя судны.

панагружа́ць, -а́ю, -а́еш, -а́е; зак.

1. каго-што. Нагрузіць усё, многае або ўсіх, многіх.

П. вазы сенам.

2. каго (што). Ускласці дадатковую нагрузку на многіх.

паперагара́ць, 1 і 2 ас. не ўжыв., -а́е і паперага́рваць, 1 і 2 ас. не ўжыв., -ае; зак.

Перагарэць — пра ўсё, многае.

Лямпачкі паперагаралі (паперагарвалі).

папрадзіра́цца, 1 і 2 ас. не ўжыв., -а́ецца; -а́емся, -а́ецеся, -а́юцца; зак.

Прадрацца — пра ўсіх, многіх або ўсё, многае.

Мяхі папрадзіраліся.

П. праз калючы зараснік.

папрарыва́ць¹, -а́ю, -а́еш, -а́е; -а́ны; зак., што.

1. Прарваць што-н. у многіх месцах, прарваць усё, многае.

2. Зрабіць пасадкі чаго-н. радзейшымі.

П. буракі.

папрыліпа́ць, 1 і 2 ас. адз. не ўжыв., -а́е; зак.

Прыліпнуць — пра ўсіх, многіх ці ўсё, многае; прыліпнуць у многіх месцах.

Лісце папрыліпала да тратуару.

папрымярза́ць, 1 і 2 ас. адз. не ўжыв., -а́е; зак.

Прымерзнуць — пра ўсіх, многіх або ўсё, многае; прымерзнуць у многіх месцах.

Папрымярзалі вёдры да лаўкі.

парассо́ўвацца, 1 і 2 ас. адз. не ўжыв., -аецца; -аемся, -аецеся, -аюцца; зак.

Рассунуцца — пра ўсіх, многіх ці пра ўсё, многае.

Частаколіны падгнілі і парассоўваліся.