Verbum

епа́рхія, -і, ж.

Царкоўна-адміністрацыйная тэрытарыяльная адзінка, якой кіруе епіскап (архірэй).

|| прым. епархія́льны, -ая, -ае.

кіламе́тр, -а, мн. -ы, -аў, м.

Адзінка даўжыні, роўная 1000 метраў.

|| прым. кіламетро́вы, -ая, -ае.

ле́я², -і, ж. і лей, -я, м., мн. ле́і, ле́яў.

Грашовая адзінка Румыніі і Малдовы.

гра́дус, -а, мн. -ы, -аў, м.

1. Адзінка вымярэння вугла або дугі, роўная 1/360 акружнасці.

Вугал у шэсцьдзясят градусаў.

Паварот на сто восемдзесят градусаў (таксама перан.: рэзкая змена сваёй думкі, пазіцыі).

2. Адзінка вымярэння тэмпературы.

Мароз дваццаць градусаў.

3. Адзінка вымярэння працэнтнага ўтрымання спірту ў алкагольных вырабах.

Каньяк у сорак градусаў.

◊

Пад градусам (разм., неадабр.) — у стане лёгкага ап’янення.

|| прым. гра́дусны, -ая, -ае.

Градусная сетка.

дыяптры́я, -і, мн. -ы́і, -ы́й, ж.

Адзінка вымярэння праламляльнай сілы аптычных лінз.

|| прым. дыяптры́чны, -ая, -ае.

ды́на, -ы, мн. -ы, дын, ж.

У механіцы: адзінка вымярэння сілы ў абсалютнай фізічнай сістэме адзінак.

ву́зел², -зла́, мн. -злы́, -зло́ў, м. (спец.).

Адзінка скорасці судна, роўная адной марской мілі ў гадзіну.

кілава́т, -а, М -ва́це, мн. -ы, -аў, м.

Адзінка вымярэння магутнасці электрычнага току, роўная 1000 ват.

куло́н², -а, мн. -ы, -аў, м.

Адзінка вымярэння колькасці электрычнасці, электрычнага зараду ў Міжнароднай сістэме адзінак.

песе́та, -ы, ДМ -се́це, мн. -ы, -се́т, ж.

Грашовая адзінка ў Іспаніі да 2002 года.