Verbum

паадло́млівацца і паадло́мвацца, 1 і 2 ас. не ўжыв., -аецца; зак.

Адламацца — пра ўсё, многае.

Паадломліваліся кручкі ў вешалцы.

паадця́гваць, -аю, -аеш, -ае; -аны; зак., каго-што.

Адцягнуць, перамясціць куды-н. усё, многае або ўсіх, многіх.

П. жэрдзе.

паадшу́кваць, -аю, -аеш, -ае; -аны; зак., каго-што.

Адшукаць усіх, многіх або ўсё, многае.

П. сваякоў.

П. згубленыя рэчы.

павыву́чваць, -аю, -аеш, -ае; зак., каго-што.

Вывучыць усё, многае або ўсіх, многіх.

П. вершы.

Павывучваў сыноў на аграномаў.

павыкалу́пваць і павыкалу́пліваць, -аю, -аеш, -ае; -аны; зак., што.

Калупаючы, выняць адкуль-н. усё, многае.

П. зярняты з коласа.

павыкла́дваць, -аю, -аеш, -ае; -аны; зак., што.

Выкласці, вылажыць усё, многае.

П. пакункі з сумкі.

П. сцены керамічнай пліткай.

павыраза́ць, -а́ю, -а́еш, -а́е; -а́ны; зак., каго-што.

Выразаць усё, многае.

П. старыя дрэвы.

П. патрэбныя артыкулы з газет.

павысыпа́цца¹, 1 і 2 ас. не ўжыв.; -а́ецца; зак.

Высыпацца адкуль-н. — пра ўсё, многае.

Павысыпалася зерне з каласоў.

павыто́птваць, -аю, -аеш, -ае; -аны; зак., што.

Вытаптаць усё, многае або ў многіх месцах.

П. усю траву.

П. сцежкі.

панаса́джваць², -аю, -аеш, -ае; -аны; зак., што.

Насадзіць², шчыльна надзець на што-н. усё, многае.

П. сякеры і малаткі.