Verbum

паўкіса́ць, 1 і 2 ас. не ўжыв., -а́е; зак.

Укіснуць — пра ўсё, многае.

паўклада́цца, 1 і 2 ас. адз. не ўжыв., -а́ецца; -а́емся, -а́ецеся, -а́юцца і паўкла́двацца, 1 і 2 ас. адз. не ўжыв., -аецца; -аемся, -аецеся, -аюцца; зак.

Укласціся — пра ўсіх, многіх.

Усе паўкладаліся (паўкладваліся) спаць.

паўклада́ць, -а́ю, -а́еш, -а́е; -а́ны і паўкла́дваць, -аю, -аеш, -ае; -аны; зак., каго-што.

Укласці ўсіх, многіх або ўсё, многае.

П. дзяцей спаць.

паўкле́йваць, -аю, -аеш, -ае; -аны; зак., што.

Уклеіць усё, многае.

П. лісты ў кнігу.

паўко́пваць, -аю, -аеш, -ае; -аны; зак., што.

Укапаць усё, многае.

П. слупы.

паўко́чваць, -аю, -аеш, -ае; -аны; зак., што.

Укаціць усё, многае.

П. бочкі ў склеп.

паўкро́ўны, -ая, -ае.

Пра жывёл: які атрымліваецца ад скрыжавання чыстакроўнага вытворніка і маткі простай пароды або ад скрыжавання чыстакроўнай маткі і вытворніка простай пароды.

паўкру́г, -а, М -ру́зе, мн. -і, -о́ў, м.

Палавіна круга або акружнасці.

Сесці паўкругам.

паўкру́чвацца, 1 і 2 ас. адз. не ўжыв., -аецца; -аемся, -аецеся, -аюцца; зак.

Укруціцца — пра ўсіх, многіх або пра ўсё, многае.

паўкру́чваць, -аю, -аеш, -ае; -аны; зак., каго-што.

Укруціць усё, многае або усіх, многіх.

П. лямпачкі.

П. дзяцей у хусткі.