Verbum

паўбіра́цца, 1 і 2 ас. адз. не ўжыв., -а́ецца; -а́емся, -а́ецеся, -а́юцца; зак.

Убрацца — пра ўсіх, многіх ці ўсё, многае.

паўбіра́ць, -а́ю, -а́еш, -а́е; зак., каго-што.

Убраць усіх, многіх або ўсё, многае.

П. збажыну з палёў.

П. дачок у новае адзенне.

паўбо́цікі, -аў.

Боты з кароткімі халявамі.

паўбяды́, у знач. вык. (разм.).

Не так дрэнна, не так страшна.

Гэта яшчэ п.

паўва́львацца, 1 і 2 ас. адз. не ўжыв., -аецца; -аемся, -аецеся, -аюцца; зак.

Уваліцца — пра ўсіх, многіх або пра ўсё, многае.

паўво́страў, -рава, мн. паўастравы́, паўастраво́ў, м.

Частка сушы, якая з трох бакоў абмываецца морам, а чацвёртым прымыкае да мацерыка, вострава.

Кольскі п.

|| прым. паўастраўны́, -а́я, -о́е.

паўгадзі́ны, ж.

Трыццаць хвілін.

І п. не мінула, як ён вярнуўся.

паўгіна́цца, 1 і 2 ас. адз. не ўжыв., -а́ецца; -а́емся, -а́ецеся, -а́юцца; зак.

Увагнуцца — пра ўсё, многае ці пра ўсіх, многіх.

паўгіна́ць, -а́ю, -а́еш, -а́е; зак., што.

Увагнуць усё, многае.

паўго́да, н.

Палавіна года.

Прайшло п.

Дзяўчынцы ўжо п.