Verbum

за́шмарга, -і, ДМ -рзе, мн. -і, -аў, ж.

Зацяжная пятля, завязаная адным канцом.

Зашмаргі шаўковых шнуркоў накідкі.

збой¹, збо́ю, мн. -і, -яў, м.

Вялікая колькасць каго-, чаго-н., цесна збітага ў адным месцы.

З. машын.

расцалава́цца, -лу́юся, -лу́ешся, -лу́ецца; -лу́йся; зак.

Моцна, некалькі разоў пацалавацца адзін з адным.

|| незак. расцало́ўвацца, -аюся, -аешся, -аецца.

аднадо́мны, -ая, -ае (спец.).

Пра расліны: якія маюць песцікавыя і тычынкавыя кветкі на адным каліве.

|| наз. аднадо́мнасць, -і, ж.

асе́дзецца, -джуся, -дзішся, -дзіцца; зак. (разм.).

Надоўга застацца на адным месцы, прывыкнуць да яго.

|| незак. асе́джвацца, -аюся, -аешся, -аецца.

засяро́джаны, -ая, -ае.

Сканцэнтраваны ў думках на чым-н. адным.

Засяроджаная ўвага.

Глядзець засяроджана (прысл.).

|| наз. засяро́джанасць, -і, ж.

рэйсшы́на, -ы, мн. -ы, -шы́н, ж.

Доўгая чарцёжная лінейка з папярочнай планкай на адным канцы для правядзення паралельных ліній.