Verbum

запа́лы, -ая, -ае.

Які запаў, паглыбіўся ўнутр, упалы.

Запалыя грудзі.

|| наз. запа́ласць, -і, ж.

зара́зны, -ая, -ае.

Які нясе ў сабе заразу.

Заразная хвароба.

|| наз. зара́знасць, -і, ж.

паро́слы, -ая, -ае.

Які зарос чым-н., пакрыты якой-н. расліннасцю.

Лагчына, парослая хмызняком.

пасціжо́рны, -ая, -ае (спец.).

Які мае адносіны да работы пасціжораў.

Пасціжорная майстэрня.

Пасціжорныя работы.

патлі́вы, -ая, -ае.

Які моцна і часта пацее.

Патлівыя рукі.

|| наз. патлі́васць, -і, ж.

паўнагу́чны, -ая, -ае.

Які мае дастатковую паўнату гучання.

П. голас.

|| наз. паўнагу́чнасць, -і, ж.

паўсю́дны, -ая, -ае.

Які адбываецца, бывае ўсюды.

Паўсюдная ўборка бульбы.

|| наз. паўсю́днасць, -і, ж.

пераадо́льны, -ая, -ае.

Такі, які можна пераадолець.

Лёгка пераадольная перашкода.

|| наз. пераадо́льнасць, -і, ж.

перакідны́, -а́я, -о́е.

Перакінуты або які перакідваецца цераз што-н.

П. мост.

П. каляндар.

пікадо́р, -а, мн. -ы, -аў, м.

Коннік з пікай, які ўдзельнічае ў баі быкоў.