Verbum

та́лі, -яў (спец.).

Сістэма блокаў для падымання грузаў на судне.

|| прым. та́левы, -ая, -ае.

тахікарды́я, -і, ж. (спец.).

Паскораны рытм сардэчных скарачэнняў, абумоўлены рознымі фізіялагічнымі і паталагічнымі ўплывамі.

тромбафлебі́т, -у, М -бі́це, м. (спец.).

Запаленне сценкі вены, якое вядзе да ўтварэння тромба¹.

трэна́ж, -у́, м. (спец.).

Сістэма, комплекс трэніровачных практыкаванняў.

Цыркавы т.

|| прым. трэна́жны, -ая, -ае.

тэрмаўсто́йлівы, -ая, -ае (спец.).

Які вытрымлівае высокую тэмпературу.

Тэрмаўстойлівая пластмаса.

|| наз. тэрмаўсто́йлівасць, -і, ж.

узбу́длівы, -ая, -ае (спец.).

Здольны рэагаваць на раздражненне.

Узбудлівыя тканкі.

|| наз. узбу́длівасць, -і, ж.

укрыва́льніцтва, -а, н. (спец.).

Утойванне злачынца або ўкрадзеных рэчаў, слядоў злачынства.

Судзіць за ў.

фо́ртэ, прысл. (спец.).

Моцна, гучна, на поўную сілу музычнага гуку; проціл. піяна.

Іграць ф.

футурало́гія, -і, ж. (спец.).

Навука, якая займаецца прагназаваннем сацыяльных працэсаў.

|| прым. футуралагі́чны, -ая, -ае.

цеплаправо́днасць, -і, ж. (спец.).

Уласцівасць цел перадаваць цеплыню ад нагрэтых участкаў да больш халодных.