Verbum

пасшыва́ць, -а́ю, -а́еш, -а́е; -а́ны; зак., што.

Сшыць усё, многае; сшыць у многіх месцах.

пату́піць, -уплю́, -у́піш, -у́піць; -у́плены; зак., што.

Зрабіць тупым, ступіць усё, многае.

П. нажы.

паўкле́йваць, -аю, -аеш, -ае; -аны; зак., што.

Уклеіць усё, многае.

П. лісты ў кнігу.

паўко́чваць, -аю, -аеш, -ае; -аны; зак., што.

Укаціць усё, многае.

П. бочкі ў склеп.

паўто́птваць, -аю, -аеш, -ае; -аны; зак., што.

Утаптаць усё, многае.

П. лісце ў зямлю.

паўтыка́ць, -а́ю, -а́еш, -а́е; -а́ны; зак., што.

Уткнуць усё, многае.

П. тычкі ў зямлю.

паўху́тваць, -аю, -аеш, -ае; -аны; зак., каго-што.

Ухутаць усіх, многіх або ўсё, многае.

паўціра́ць, -а́ю, -а́еш, -а́е; -а́ны; зак., каго-што.

Уцерці ўсё, многае або ўсіх, многіх.

пераваля́ць, -я́ю, -я́еш, -я́е; -я́ны; зак., каго-што.

Паваліць усіх, многіх або ўсё, многае.

паастава́цца, 1 і 2 ас. адз. не ўжыв., -тае́цца; -таёмся, -таяце́ся, -таю́цца; зак.

1. Астацца дзе-н. — пра ўсіх, многіх або быць пакінутым дзе-н. — пра ўсё, многае або ўсіх, многіх.

Жнеі пааставаліся ў полі да вечара.

На градах яшчэ пааставалася многа агародніны.

2. Працягваць быць якім-н., кім-н. — пра ўсіх, многіх або ўсё, многае.

Вокны пааставаліся адчыненымі.

3. (1 і 2 ас. мн. не ўжыв.). Захавацца, уцалець — пра ўсё, многае.

На падлозе пааставаліся сляды.

4. Апынуцца ў якім-н. стане — пра ўсіх, многіх або ўсё, многае.

Пасля вайны жанчыны пааставаліся ўдовамі.

5. Апынуцца ззаду, збоку — пра ўсіх, многіх або ўсё, многае.

Старыя ісці не паспявалі і пааставаліся ззаду.