Verbum

БЕЛАРУ́СКАЯ ПА́РТЫЯ ПРА́ЦЫ (БПП),

палітычная партыя дэмакр. кірунку. Створана ў ліст. 1993. Кіруючы орган паміж з’ездамі — савет партыі. БПП дзейнічае на аснове захавання і развіцця традыцый і прынцыпаў с.-д. і рабочага руху. Асн. мэты — пабудова ў Рэспубліцы Беларусь дэмакр. грамадства, стварэнне прававой дзяржавы на прынцыпах духоўнай паліт. і эканам. свабоды чалавека, дабрабыту, маральнасці, сац. справядлівасці і згоды грамадзян. Выступае за аптымальнае спалучэнне рыначных механізмаў і дзярж. рэгулявання, за ўдзел работнікаў наёмнай працы ў кіраванні дзярж. справамі, у абарону правоў і інтарэсаў працоўных, за паліт. падтрымку прафс. руху. Арг-цыі БПП створаны ў Мінску, Брэсце, Гомелі, Барысаве, Жодзіне, Асіповічах, Салігорску і інш.

т. 2, с. 420

Краёвая Па́ртыя Літвы́ i Белару́сі

т. 8, с. 442

Польская сацыялістычная партыя ў Літве

т. 12, с. 485

Рабочая партыя палітычнага вызвалення Расіі

т. 13, с. 187

Расійская сацыял-дэмакратычная рабочая партыя

т. 13, с. 315

Рэспубліканская партыя працы і справядлівасці

т. 14, с. 25

Сацыял-дэмакратычная рабочая партыя Швецыі

т. 14, с. 211