Verbum

макрэ́ль, -і, мн. -і, -ей, ж.

Тое, што і скумбрыя.

|| прым. макрэ́левы, -ая, -ае.

Сямейства макрэлевых (наз.).

мандалі́на, -ы, мн. -ы, -лі́н, ж.

Струнны шчыпковы музычны інструмент з авальным корпусам.

|| прым. мандалі́нны, -ая, -ае.

мапе́д, -а, М -дзе, мн. -ы, -аў, м.

Лёгкі матацыкл з педальным прыводам.

|| прым. мапе́дны, -ая, -ае.

марапла́ванне, -я, н.

Плаванне па морах і акіянах, а таксама майстэрства вадзіць караблі.

|| прым. марапла́вальны, -ая, -ае.

маркізе́т, -у, М -зе́це, м.

Празрыстая тканіна з тонкай кручанай пражы.

|| прым. маркізе́тавы, -ая, -ае.

Маркізетавая сукенка.

марцыпа́н, -а, мн. -ы, -аў, м.

Кандытарскі выраб з міндальнага цеста.

|| прым. марцыпа́навы, -ая, -ае.

Марцыпанавыя цукеркі.

маскі́т, -а, М -кі́це, мн. -ы, -аў, м.

Крывасоснае паўднёвае насякомае атрада двухкрылых.

|| прым. маскі́тны, -ая, -ае.

матэрыялазна́ўства, -а, н.

Навука аб матэрыялах (у 1 знач.) якой-н. галіны вытворчасці.

|| прым. матэрыялазна́ўчы, -ая, -ае.

мача́, -ы́, ж.

Вадкасць, што выдзяляецца ныркамі як прадукт абмену рэчываў.

|| прым. мачавы́, -а́я, -о́е.

М. пузыр.

машынабудава́нне, -я, н.

Галіна прамысловасці, якая вырабляе машыны (у 1 знач.).

|| прым. машынабудаўні́чы, -ая, -ае.

М. завод.