Verbum

КАЗІНО́ (франц. casino ад італьян. casino домік),

клуб, ігральны дом з рэстаранам і азартнымі гульнямі (карты, рулетка і інш.).

т. 7, с. 427

КАФЭ́ (франц. café),

кавярня, невялікі рэстаран, дзе падаюць каву, чай, закускі і інш. К. з сістэмай самаабслугоўвання наз. кафетэрый.

т. 8, с. 189

ЛЮКС (ад франц. luxe раскоша),

назва багата, раскошна абсталяваных магазінаў, гасцініц, кают, купэ, некаторых тавараў вышэйшага класа, разраду, гатунку.

т. 9, с. 404

ПЕРСАНА́Ж (франц. personnage ад лац. persona асоба),

дзейная асоба (часцей другарадная) у маст. творы (драме, рамане, аповесці і г.д.).

т. 12, с. 298

СЕДА́Н (мяркуюць, ад назвы франц. г. Седан),

закрыты кузаў легкавога аўтамабіля. Мае 4 дзвярэй, 2 ці 3 рады сядзенняў.

т. 14, с. 294

АТЭЛЬЕ́ (франц. atelier),

1) прадпрыемства па аказанні насельніцтву пэўных відаў быт. паслуг.

2) Павільён кінастудыі.

3) Майстэрня жывапісца, скульптара, фатографа.

т. 2, с. 81

АЛЬЯ́НС (франц. alliance),

1) саюз, аб’яднанне дзяржаў, паліт. партый, фракцый для дасягнення агульнай мэты ў пэўны час. 2) Шлюбны саюз.

т. 1, с. 290

ДРАЖЭ́ (франц. dragée),

1) дробныя круглыя цукеркі з гладкай бліскучай паверхняй, часам з начынкай.

2) Пашыраная форма дазіравання вітамінаў, лекаў.

т. 6, с. 193

ДЫРЭКТЫ́ВА (франц. directive ад лац. dirigere накіроўваць),

распараджэнне, кіруючае ўказанне, настаўленне, якія даюцца вышэйстаячым органам ніжэйстаячаму ці кіраўніком установы падначаленаму.

т. 6, с. 291