Verbum

намарынава́ць, -ну́ю, -ну́еш, -ну́е; -ну́й; -нава́ны; зак., чаго.

Марынуючы, прыгатаваць нейкую колькасць чаго-н.

Н. грыбоў.

|| незак. намарыно́ўваць, -аю, -аеш, -ае.

грузаабаро́т, -у, М -ро́це, м.

Колькасць грузаў, перавезеных транспартам за пэўны час.

Павялічыць г. на чыгуначных перавозках.

|| прым. грузаабаро́тны, -ая, -ае.

во́семдзесят, васьмідзесяці, Т васьмю́дзесяццю, ліч. кольк.

Лік і колькасць 80.

Бабулі пад в. (хутка будзе 80 гадоў).

|| парадк. васьмідзяся́ты, -ая, -ае.

нагаблява́ць, -лю́ю, -лю́еш, -лю́е; -лю́й; -лява́ны; зак., чаго.

Апрацаваць габляваннем нейкую колькасць чаго-н.

Н. дошак.

|| незак. нагаблёўваць, -аю, -аеш, -ае.

назапа́сіць, -па́шу, -па́сіш, -па́сіць; -па́шаны; зак., чаго.

Нарыхтаваць пэўную колькасць чаго-н.

Н. сена на зіму.

|| незак. назапа́шваць, -аю, -аеш, -ае.

асве́тленасць, -і, ж. (спец.).

Колькасць святла, ступень асвятлення; фізічная велічыня, роўная адносіне патоку святла да плошчы паверхні, на якую ён падае.

чаты́ры, чатыро́х, чатыро́м, чатырма́, (аб) чатыро́х, ліч. кольк. Лік, лічба і колькасць 4.

|| парадк. чацвёрты, -ая, -ае.

Ч. нумар.

Чацвёртая старонка.

нарабі́ць, -раблю́, -ро́біш, -ро́біць; -ро́блены; зак., чаго.

1. Зрабіць вялікую колькасць чаго-н.

Н. фотаздымкаў.

2. Зрабіць, учыніць што-н. або многа чаго-н. (звычайна дрэннага, непрыемнага і пад.).

Н. глупства.

Н. памылак.

3. Зрабіць вязаннем нейкую колькасць (разм.).

Н. панчох, шкарпэтак.

|| незак. нарабля́ць, -я́ю, -я́еш, -я́е (да 1 і 3 знач.).

ураджа́й, -ю, мн. -і, -яў, м.

1. Колькасць збожжа, пладоў, раслін, якая ўрадзілася, вырасла.

Сабраць у.

Добры ў. садавіны.

2. Вялікая колькасць збожжа, пладоў, раслін, якая ўрадзілася.

Калі добра ўзарэш, то і ў. збярэш (прыказка). На дзяўчат у. (перан.: вельмі многа; жарт.).

|| прым. ураджа́йны, -ая, -ае (да 2 знач.).

Ураджайныя гатункі пшаніцы.