Verbum

жыла назоўнік | жаночы род

1. Назва крывяносных сасудаў, сухажылляў.

   • Сінія жылы на руках.

2. Трэшчына ў зямной кары, запоўненая горнай пародай, а таксама горная парода ў такой трэшчыне.

   • Залатаносная ж.

3. Багністае месца з падземнай крыніцай (размоўнае).

4. Асобны провад кабелю.

   • Провад з трох жыл.

Фразеалагізмы:

• Выцягваць жылы з каго (размоўнае) — мучыць якімі-н. даручэннямі, празмернымі патрабаваннямі.
• Залатая жыла — вельмі багатая крыніца даходу.
• Ірваць жылы (размоўнае) — вельмі цяжка працаваць.
• Напінаць жылы (размоўнае) — напружвацца з усіх сіл.
• На ўсе жылы, з усіх жыл (размоўнае) — на поўную сілу.

|| прыметнік: жыльны.