Verbum

узвесці, ✂; зак.

1. Ведучы, дапамагчы ўзысці, падняцца наверх чаго-н.

   • У. дзіця на ганак.

2. Узняць (вочы, позірк), паглядзець уверх.

   • У. вочы на каго-н.

3. Прывесці ў гатовае да выстралу становішча (пра зброю).

   • У. курок.

4. Збудаваць, паставіць.

   • У. будынак.
   • У. помнік.

5. перан. Узвысіць да якога-н. стану, звання; надаць чаму-н. іншае ці важнае значэнне.

   • У. ў ранг заслужанага дзеяча навукі.
   • У. ў абсалют.
   • У. што-н. у закон.

6. перан. Несправядліва прыпісаць каму-н. што-н.

   • У. паклёп на каго-н.

7. што ў што (у якую-н. ступень, у квадрат, у куб). Памножыць лік (ці велічыню) сам на сябе столькі разоў, колькі вызначае паказчык ступені.

   • У. сем у куб.

|| незак. узводзіць, ✂.

|| наз. узвядзенне, ✂ і узвод, ✂.