Verbum

удар назоўнік | мужчынскі род

1. Моцны рэзкі штуршок, сутыкненне з кім-, чым-н. з сілай. Гэты гадзіннік не баіцца ўдараў.

   • Нанесці ў.
   • У. электрычнага току.

2. Гук (звон, трэск, грукат) ад такога штуршка, а таксама наогул адрывісты гук, стук.

   • У. гадзінніка.
   • У. грому.

3. пераноснае значэнне: Імклівы напад, атака.

   • Флангавы ў.
   • Штыкавы ў.

4. пераноснае значэнне: Непрыемнасць, нечаканае гора, бяда.

   • Перажыць нечаканы ў.
   • У. лёсу.

5. Кровазліццё ў мозг, апаплексія.

   • Апаплексічны ў.

6. чаго. Пра біццё сэрца, пульсу.

Пад удар (ставіць) каго-што (размоўнае неадабральнае) — у небяспечнае становішча.

Пад ударам (быць, знаходзіцца) — у небяспечным становішчы.