Verbum

свежы прыметнік

1. Толькі што падрыхтаваны або атрыманы, не сапсаваны, такі, якога не кранула апрацоўка.

   • Свежае мяса.
   • С. чай.
   • Свежыя кветкі.
   • Свежыя барозны.
   • Свежыя ягады.

2. Які не быў у карыстанні, ва ўжыванні.

   • Свежыя фіранкі.

3. Пра ваду, паветра: чысты, нічым не забруджаны, які часта мяняецца.

   • У хаце свежае паветра.
   • Свежая вада.

4. Халаднаваты, не вельмі цёплы.

   • Вечар досыць с.
   • С. вецер.

5. Які не страціў сваёй яркасці, натуральнай афарбоўкі.

   • Фарба на сценах не пажухла, была як свежая.
   • Свежае сена (ярка-зялёнае).
   • Свежыя ўражанні (пераноснае значэнне: незабытыя, выразныя).

6. Поўны сіл, энергіі, здаровы (пра чалавека).

   • Са свежымі сіламі працаваць (пераноснае значэнне: адпачыўшы, паспаўшы).

7. Які нядаўна ці толькі што з’явіўся; новы.

   • С. нумар штотыднёвіка.
   • С. чалавек (чужы, які першы раз прыйшоў куды-н.).
   • Свежыя чуткі (пакуль нікому невядомыя).
   • Свежая думка (пераноснае значэнне: арыгінальная).

|| назоўнік: свежасць.

• Не першай свежасці (не свежы ў 1 і 2 знач.).